كوروناۆيرۋس • 25 ناۋرىز، 2020

تۇركىستان وبلىسى: كوروناۆيرۋس جۇقتىرعان اداممەن بىرگە كەلگەن 10 جولاۋشى ىزدەستىرىلىپ جاتىر

615 رەتكورسەتىلدى

تۇركىستان وبلىسىندا كوروناۆيرۋس جۇقتىرعان جولاۋشىمەن كەلگەن اۆتوبۋس جولاۋشىلارى ىزدەستىرىلىپ جاتىر. بۇل تۋرالى coronavirus2020.kz پورتالىندا جاريالاندى.

"نۇر-سۇلتان قالاسىنان جەتىساي قالاسىنا (تۇركىستان وبلىسى) مەملەكەتتىك ءنومىرى 646 FNB 13 اۆتوبۋسپەن كەلە جاتقان جولاۋشىلار كوروناۆيرۋستىق ينفەكتسياعا تالداۋ جاساۋ جانە ودان ءارى كارانتينگە ورنالاستىرۋ ءۇشىن تۇرعىلىقتى جەرى بويىنشا 103 قىزمەتكە حابارلاسۋى قاجەت نەمەسە تىركەلۋى قاجەت" دەلىنگەن حابارلامادا.

قازىرگى ۋاقىتتا 51 جولاۋشىنىڭ 41-ءى تابىلدى، بارلىعى ستاتسيونارلىق كارانتينگە جاتقىزىلدى.

ەسكە سالايىق، 24 ناۋرىز كۇنى كەشكە شىمكەنتتە كوروناۆيرۋستىق ينفەكتسيانى جۇقتىرۋدىڭ العاشقى وقيعاسى انىقتالدى. 20 ناۋرىز كۇنى ناۋقاستىڭ نۇر-سۇلتاننان اۆتوبۋسپەن كەلگەنى بەلگىلى. قازىرگى ۋاقىتتا ول قالالىق جۇقپالى اۋرۋلار اۋرۋحاناسىنا جاتقىزىلدى.

25 ناۋرىزداعى جاعداي بويىنشا شىمكەنتتە ەكى ادام كوروناۆيرۋس جۇقتىرعان. بۇگىندە ەلدە كوروناۆيرۋس جۇقتىرعانداردىڭ سانى 80-گە جەتتى.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار