بورتتا شەتەلدە وقىپ جاتقان قازاقستاندىق ستۋدەنتتەر جانە وزگە دە وتانداستارىمىز بولدى. ەلىمىزدىڭ ۇكىمەتى تۇراقتى اۋە قاتىناسىنىڭ توقتاۋىنا قاراماستان, قازاقستاندىقتارعا وتانىنا ورالۋعا كومەكتەسۋ ءۇشىن ارنايى رەيستەر جىبەرگەن بولاتىن. ۇشاق قاراعاندى اۋەجايىنىڭ اۋماعىنا قونعاننان كەيىن بورتقا دارىگەرلەر بريگاداسى كوتەرىلدى. ءاربىر جولاۋشى قاتاڭ ەپيدەميولوگيالىق رەگلامەنت بويىنشا مۇقيات مەديتسينالىق باقىلاۋ راسىمىنەن ءوتتى.
بارلىق شارالار ورىندالعان سوڭ كەلۋشىلەر قالادان تىس ارنايى گوسپيتالعا جەتكىزىلدى. - بارلىق دارىگەرلەر پولشادان كەلگەن ادامداردى باقىلاۋ ءۇشىن گوسپيتالگە ءوز ەركىمەن كەلدى. بۇل – ءبىزدىڭ دارىگەرلىك پارىزىمىز. ءبىز بارلىعىنىڭ ساۋ ەكەنىن بىلگەندە قاتتى قۋاندىق, - دەيدى جالپى تاجىريبە دارىگەرى حايروللا ەرعاشەۆ.
ۆارشاۆا-قاراعاندى رەيسىنىڭ جولاۋشىلارى كارانتيندە ەكى كۇن بولدى. وسى ۋاقىت ارالىعىندا اعزادا كوروناۆيرۋس بار بولۋىنا تالداۋ جاسالدى. تەستىلەر بارلىق كەلگەندەردىڭ دەنى ساۋ ەكەنىن كورسەتتى. قازىر ولاردىڭ بارلىعى تۋعان قالالارىنا جولعا شىعا باستادى. رەيستىڭ جولاۋشىلارى قاراعاندىلىق دارىگەرلەر مەن پوليتسەيلەرگە قيىن ۋاقىتتا قولداۋ كورسەتكەندەرى ءۇشىن ۇلكەن العىس بىلدىرەدى.
«بۇل قادام – وتانىمىز ءبىزدى ارقاشان قيىن ۋاقىتتا دا كۇتىپ, قورعايتىنىن تاعى دا تۇسىنۋگە مۇمكىندىك بەردى», دەدى كەلگەندەردىڭ ءبىرى.
