قوعام • 25 ناۋرىز، 2020

مەديتسينالىق بەتپەردەلەردى ءوندىرۋ مەن ساتۋ ليتسەنزيانى تالاپ ەتپەيدى - د. اباەۆ

21 رەتكورسەتىلدى

مەديتسينالىق ماسكالاردى ءوندىرۋ ارنايى رۇقساتتاردىڭ بولۋىن تالاپ ەتپەيدى دەپ حابارلادى اقپارات جانە قوعامدىق دامۋ ءمينيسترى داۋرەن اباەۆ "حابار 24" ارناسىندا بولعان بريفينگتە.

"دەنساۋلىق ساقتاۋ مينيسترلىگى وندىرىلگەن ءونىمدى ەلىمىزدىڭ بارلىق وڭىرىنە بولەدى. ماسكا تىگۋ جۇمىستارىن فارماتسەۆتيكالىق كاسىپورىندار دا، تىگىن تسەحتارى دا جۇرگىزەدى. بۇكىل ەل بويىنشا 70-تەن استام تىگىن كاسىپورىندارى تارتىلدى" دەدى مينيستر.

سونىمەن قاتار ول ماسكالاردى ءوندىرۋ مەن ساتۋ تىركەۋدى جانە ليتسەنزيانى تالاپ ەتپەيتىنىن اتاپ ءوتتى.

"بۇل مەديتسينالىق ءونىم بولىپ سانالمايدى جانە تەحرەگلامەنتكە قايشى ەمەس. ماسكالاردى ءوندىرۋ جانە ساتۋ ليتسەنزيانىڭ بولۋىن تالاپ ەتپەيدى. ءونىمنىڭ بۇل ءتۇرى مەديتسينالىق بۇيىم ەمەس" دەدى مينيستر.

بۇعان دەيىن قارجى مونيتورينگى كوميتەتى ەلدىڭ 12 وڭىرىندە مەديتسينالىق ماسكالاردى قىمباتتاتىپ ساتقان 17 وقيعا تىركەلگەنىن اتاپ وتكەن. بارلىعى ءۇش ميلليونعا جۋىق (2 932 019 دانا) مەديتسينالىق ماسكا تاركىلەنگەن، ولار دەنساۋلىق ساقتاۋ مەكەمەلەرىنە بەرىلدى.

سوڭعى جاڭالىقتار

پاندەميا: ساقتانساڭ ساۋ بولارسىڭ

ايماقتار • بۇگىن، 20:08

ەرىكتىلەر بالالاردى قۇتتىقتادى

ايماقتار • بۇگىن، 16:47

ازيادا COVID-19-دان ءولىم نەگە از؟

كوروناۆيرۋس • بۇگىن، 16:07

ۇقساس جاڭالىقتار