بۇگىندە شىمكەنت قالاسىندا كوروناۆيرۋس ينفەكتسياسىن جۇقتىرعان ەكى ادام بار. 1970 جىلعى ناۋقاستان الىنعان اناليز وڭ ناتيجەسىن بەرگەن. كوروناۆيرۋس ينفەكتسياسى انىقتالعان وشاقتا كەشەندى ەپيدەمياعا قارسى ءىس-شارالار اتقارىلىپ, قورىتىندى زالالسىزداندىرۋ جۇمىسى تولىق جۇرگىزىلدى. ناۋقاستىڭ قازىرگى جاعدايى بىرقالىپتى. كوروناۆيرۋس ينفەكتسياسىنىڭ دياگنوستيكاسى مەن ەمى بەكىتىلگەن حاتتاماعا سايكەس تەراپيا جۇرگىزىلۋدە.
ايتا كەتەيىك, بۇگىن دياگنوزى راستالعان ازاماتشا - كەشە كوروناۆيرۋس انىقتالعان ازاماتتىڭ تۋعان اناسى بولىپ شىقتى. بالاسىمەن تۇرمىستىق تىعىز قاتىناستا بولعاندىقتان, ازاماتشا 24 ناۋرىز كۇنى جۇقپالى اۋرۋحانالار اۋرۋحاناسىنا جاتقىزىلىپ, وقشاۋلانعان. اناليز الىنىپ, 25 ناۋرىز كۇنى وڭ ناتيجەسىن بەرگەن.
