ت.ق ۇلىباەۆ: وليمپيادا ويىندارىنىڭ وتكىزىلۋ ۋاقىتىن وزگەرتۋ - سپورتشىلار ءۇشىن وڭتايلى شەشىم

ء«بىز حالىقارالىق وليمپيادا كوميتەتىنە, «توكيو-2020» ۇيىمداستىرۋ كوميتەتى مەن جاپونيا ۇكىمەتىنە وليمپيادا ويىندارىنا دەگەن دايىندىعى مەن دەر كەزىندە ماڭىزدى شەشىم قابىلداعانى ءۇشىن وراسان زور العىس بىلدىرەمىز.

وليمپيادا ويىندارىنىڭ وتكىزىلۋ ۋاقىتىن وزگەرتۋ, بىرىنشىدەن, سپورتشىلار ءۇشىن وڭتايلى شەشىم. سپورتشىلاردىڭ اماندىعى ءبىز ءۇشىن ءاردايىم ءبىرىنشى ورىندا دەگەن ۇستانىممەن وليمپيادا ويىندارىنىڭ شەگەرىلگەنىن قولدايمىز. 2021 جىلعى وليمپيادا ويىندارى سپورتشىلار ءۇشىن قاۋىپسىز ءارى بارلىق جاعداي جاسالادى دەپ سەنەمىز. COVID-19 ۆيرۋسىنىڭ ۇزدىكسىز تارالۋى الەمگە ايتارلىقتاي كەرى اسەرىن تيگىزىپ, بارلىق سالا زارداپ شەگۋدە. سونىڭ ىشىندە, اتالعان ىندەت سپورت الەمىن دە اينالىپ وتپەدى. بىراق, سپورتشىلاردىڭ جاتتىعۋىن توقتاتپاي, ءۇي جاعدايىندا وزدەرى عانا سپورتپەن شۇعىلدانىپ قويماي, جانكۇيەرلەردى دە سپورتپەن اينالىسۋعا شاقىرعانى  قۋانتادى. قازاقستان ۇوك حالىقارالىق وليمپيادا كوميتەتىمەن, وليمپيادا ويىندارىن ۇيىمداستىرۋ كوميتەتى جانە حالىقارالىق فەدەراتسيالارمەن تىعىز قارىم-قاتىناستا. سونداي-اق, ىنتىماقتاستىقتى ودان ءارى  جالعاستىرادى» دەدى قازاقستان ۇوك پرەزيدەنتى تيمۋر ق ۇلىباەۆ.

ايتا كەتەلىك, قازىرگى تاڭدا وتاندىق سپورتشىلاردىڭ بارلىعى ۇيىندە ۇكىمەت ۇسىنعان الدىن الۋ شارالارىن ساقتاپ وتىر. قازاقستان ۇوك جاقىن ارادا ۇلتتىق فەدەراتسيالارمەن وليمپيادا ويىندارىنىڭ كەيىنگە شەگەرىلۋىنە بايلانىستى وليمپيادالىق سپورت تۇرىنەن ۇلتتىق كوماندالاردىڭ 2020 جىلعى كۇنتىزبەسىن تالقىلاعان بولاتىن. 

ەسكە سالا كەتەيىك, حالىقارالىق وليمپيادا كوميتەتى مەن جاپونيا ۇكىمەتى 24 ناۋرىزدا بىرىككەن مالىمدەمە جاسادى. جاپونيا پرەمەر-ءمينيسترى سيندزو ابە مەن حوك پرەزيدەنتى توماس باح وليمپيادا ويىندارىنا قاتىستى ءبىر شەشىمگە كەلدى. دۇنيەجۇزىلىك دەنساۋلىق ساقتاۋ ۇيىمى بەرگەن اقپاراتقا سايكەس, بۇگىنگى جاعدايدى ەسكەرە وتىرىپ, حوك پرەزيدەنتى مەن جاپونيا پرەمەر-ءمينيسترى سپورتشىلار مەن وليمپياداعا قاتىسۋشىلاردىڭ, حالىقارالىق ۇيىمداردىڭ قاۋىپسىزدىگىن ويلاپ, توكيوداعى وليمپيادا ويىندارىن 2021 جىلدىڭ جازىنا وتكىزۋ تۋرالى شەشىم قابىلدادى.