ء«بىزدىڭ تۋريستەر ءۇشىن Scat اۋەكومپانياسى ۇيىمداستىرعان چارتەرلىك رەيسكە ديپلوماتتاردىڭ كۇشىمەن كاير جانە الەكساندريا قالالارىندا ۋاقىتشا بولعان (تۇرعان) ازاماتتارىمىزدىڭ ىشىنەن قوسىمشا جولاۋشىلار وتىرعىزىلعانىن اتاپ وتەمىز. جۇرگىزىلگەن جۇمىستىڭ قورىتىندىسى بويىنشا 235 ازاماتىمىز ەلگە ورالدى.
سونداي-اق بۇگىن تۇركيادا قازاقستاندىق ديپلوماتتار قر 536 ازاماتىن ەلگە جىبەرۋگە كومەك كورسەتتى. ولار ىستامبۇل اۋەجايىنىڭ ترانزيتتىك ايماعىندا جينالعان وتانداستارىمىزدى جونەلتۋ جونىندە ايتارلىقتاي اۋقىمدى جۇمىس جۇرگىزگەنىن اتاپ وتەمىز.
بۇگىن تاعى قازاقستاننىڭ 32 ازاماتى ماجارستان (31) مەن ومانداعى (1) ديپلوماتتاردىڭ قولداۋىمەن ەلگە جىبەرىلدى. 22 ناۋرىزدا بارلىعى ءبىزدىڭ 803 وتانداسىمىز قازاقستانعا ورالدى», دەلىنگەن حابارلامادا.
