وبلىس اۋماعىندا سۋ تاسقىنى كەزەڭىنىڭ قاۋىپسىز وتۋىنە قولايلى جاعداي جاسالۋدا, سوعان ساي قار ەرۋىنىڭ بەلسەندى كەزەڭى اپاتسىز وتۋدە. جاعداي تۇراقتى, سۋ باسۋ تىركەلمەگەن, وزەندەردەگى سۋ دەڭگەيى قاۋىپتى بەلگىلەردەن اسپايدى.
شىعىس قازاقستان وبلىسىنىڭ اكىمى دانيال احمەتوۆتىڭ تاپسىرماسى بويىنشا ايماقتا وبلىستىق ءماسليحات حاتشىسى ۆلاديمير گولوۆاتيۋكتىڭ باسشىلىعىمەن قۇرامىندا شقو تج دەپارتامەنتى, جۇمىلدىرۋ دايىندىعى باسقارماسى جانە جەرگىلىكتى اتقارۋشى ورگاندار وكىلدەرى بار كوميسسيا قۇرىلدى.
تەكسەرۋشىلەر سۋ تاسقىنى قاۋپى بار ۋچاسكەلەردى ينسپەكتسيالاۋدى جۇرگىزەدى. ءبىرىنشى ينسپەكتسياعا گلۋبوكوە اۋدانىنىڭ ەلدى مەكەندەرى: بەلوۋسوۆكا, التايسكي, پرەدگورنوە جانە پروگرەسس اۋىلدارى تارتىلدى. سونىمەن قاتار, شەمونايحا اۋدانى (شەمونايحا, ۆىدريحا, ۆەرح-ۋبا, ۋبينكا) باقىلاۋ جۇرگىزىلدى. مونيتورينگتەن «شىعىس سۋ قويمالارى» كمك گيدروتەحنيكالىق قۇرىلىستارى ءوتتى. ازاماتتىق قورعاۋ ورگاندارىنىڭ جاو موتوپومپالارى, ججم قورىنىڭ بولۋى, تاماق ونىمدەرى مەن ءبىرىنشى كەزەكتە قاجەتتى قۇرالداردى جەتكىزۋگە نيەت-شارتتارى تەكسەرىلدى. اينالىپ ءوتۋ قورىتىندىسى بويىنشا سۋ تاسقىنى قاۋپى بار ۋچاسكەلەردە ودان ءارى ءىس-شارالار بەلگىلەنگەن.
