بۇل كوكتەم مەن جاندانۋ مەرەكەسى, سەبەبى اينالامىزدىڭ ءبارى ويانىپ, گۇلدەنەدى جانە جاڭا ومىرگە ازىرلەنەدى. بۇل ۇمىتتەر مەن جاڭارۋدىڭ مەرەكەسى.
ءاربىر كۇندەرىڭىز قۋانىشقا, جىلۋلىق پەن ساتتىلىككە تولى بولسىن دەپ تىلەيمىن. ءومىر جولىندا كەزدەسەتىن بارلىق قيىندىقتار ءبىزدى اينالىپ ءوتسىن. ناۋرىز مەيرامىندا جۇرەگىمىزگە ماحاببات پەن ءۇمىت ۇيالاپ, رۋحىمىز بەن دەنساۋلىعىمىز نىعايا ءتۇسسىن.
بيىلعى جىلى ءبىز ناۋرىزدى ادەتتەگىدەن باسقاشا قارسى الامىز. كوروناۆيرۋس ىندەتىنىڭ تارالۋى مەملەكەت پەن قوعامنان باتىل ارەكەتتەر تالاپ ەتەدى.
قازىر بىزگە بىرلىك, اۋىزبىرشىلىك, ىنتىماق جانە ءوزارا كومەك پەن قولداۋ قاجەت. سونىمەن قاتار مەيىرىمدىلىك پەن سۇيسپەنشىلىك كەرەك.
مەن بۇل قيىندىقتاردى ەڭسەرەتىنىمىزگە سەنىمدىمىن. ءبىز بۇل ىندەتتى جەڭەمىز. بۇدان دا جاقسى, مىقتى بولامىز.
قازاقستاننىڭ ءاربىر شاڭىراعىنا مول داستارحان, امانشىلىق پەن مولشىلىق تىلەيمىن.
كوكتەمنىڭ كەرەمەت مەرەكەسى ناۋرىز مەيرامى بىزگە تەك باقىت اكەلىپ, بارلىق قيىندىقتار مەن اۋىرتپالىقتان ارىلايىق!
