2017 جىلعى سالىق كودەكسىمەن تاۋارلارعا ارنالعان ىلەسپە جۇكقۇجات (تىجق) راسىمدەۋدىڭ تالاپتارى بەكىتىلگەن. سونىمەن قاتار, تىجق 2019 جىلى 29 جەلتوقسانداعى№1424 قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارىنىڭ بۇيرىعىمەن بيو وتىن بويىنشا – 2020 جىلعى 1 قاڭتاردان باستاپ, تىجق رەسىمدەۋ جونىندەگى مىندەت قولدانىلاتىن تاۋارلار تىزبەسىنە (تىجق بويىنشا تىزبە) ەنگىزىلگەن قالعان تاۋارلار بويىنشا – 2020 جىلعى 1 ساۋىردەن باستاپ بەكىتىلگەن.
سونىمەن قاتار, سالىق تولەۋشىلەردىڭ تىجق ەنگىزۋگە وتپەلى كەزەڭدى ۇزارتۋ قاجەتتىگى تۋرالى وتىنىشتەرىنە بايلانىستى, cونداي-اق قازاقستان ىشىندە ءوز كونتراگەنتتەرىمەن, تاسىمالداۋشىلارمەن, ەۋرازيالىق ەكونوميكالىق وداق جەتكىزۋشىلەرىمەن ءوزارا قارىم-قاتىناستى قايتا قۇرۋ ءۇشىن ۋاقىت كەزەڭىنىڭ قاجەتتىلىگىن نازارعا الا وتىرىپ, تىجق كوشۋ بويىنشا مىندەت قولدانىلاتىن تاۋارلار تىزبەسىنە وزگەرىستەر ەنگىزۋ بويىنشا قر قم بۇيرىعىنىڭ جوباسى دايىندالدى.
اتالعان قر قم بۇيرىق جوباسىندا 2020 جىلى 1 شىلدەدەن باستاپ تاۋارلارعا ارنالعان ىلەسپە قۇجات راسىمدەۋدىڭ باستالۋى بەلگىلەنگەن.
بۇيرىق جوباسى Legalacts رەسۋرسىنا ورنالاستىرىلىپ, «اتامەكەن» ۇلتتىق كاسىپكەرلەر پالاتاسىنا جانە دە ساراپتامالىق, قوعامدىق كەڭەستەرگە كەلىسۋگە جىبەرىلگەن.
مكك بيزنەس-قاۋىمداستىقتان بۇيرىق جوباسى بويىنشا ءوز ۇستانىمدارىن ۇسىنۋدى جەدەلدەتۋدى سۇرايدى.
ال سالىق تولەۋشىلەر تىجق ەنگىزۋگە دايىندىق ءىس-شارالارىن جۇرگىزۋدى جانداندىرۋى قاجەت. اسىرەسە, سالىق تولەۋشىلەردىڭ ەسەپ جۇيەلەرىن تىجق رەسىمدەۋگە تەحنيكالىق بەيىمدەۋ ماڭىزدى.
ءوز تاراپىنان كوميتەت كەڭەستىك كومەك كورسەتۋ جانە سالىق تولەۋشىلەردى تىجق بويىنشا بيزنەس-پروتسەستەرگە وقىتۋ ماقساتىندا تەستىلىك ورتانى دايىندادى. ءاربىر سالىق تولەۋشى كوميتەتتىڭ پورتالىندا «ەلەكتروندىق شوت-فاكتۋرالار» بولىمىندە ورنالاسقان تەستىلىك ستەندتى تەگىن پايدالانا الادى.
وسى بولىمدە سالىق تولەۋشىنىڭ ەسەپكە الۋ جۇيەلەرىن پىسىقتاۋ ءۇشىن ازىرلەۋشىنىڭ جيىنتىعى, تىجق قۇرىلىمىنىڭ تەحنيكالىق سيپاتتاماسى, ەشف اج پايدالانۋشىنىڭ نۇسقاۋلىعى ورنالاستىرىلعان جانە تىجق نىسانىن قادام-قادام بويىنشا تولتىرۋدى تۇسىندىرەتىن اقپاراتتار ورنالاسقان.
بۇدان باسقا, ءاربىر اۋماقتىق مەملەكەتتىك كىرىستەر دەپارتامەنتتەرىندە تىجق ەنگىزۋ بويىنشا سالىق تولەۋشىلەردىڭ پيلوتتىق توپتارى قۇرىلۋدا.
