مىسالى, اسانباي اسقاروۆ اتىنداعى ورتا مەكتەپتىڭ ديرەكتورى شاكىر ايناقۇلوۆ مەديتسينالىق قورعانىس قۇرالدارىن تىگۋگە مۇعالىمدەردىڭ وزدەرى نيەت بىلدىرگەنىن ايتادى. شاعىن 10 تسەح ءبىر كۇندە 10 مىڭداي بەتپەردە تىگە الادى. بۇل ورايدا تۇلكىباس اۋدانىنىڭ اكىمى نۇربول تۇراشبەكوۆ يگى ىسكە قولداۋ كورسەتەتىن دەمەۋشىلەر تارتۋدا. قايىرىمدىلىق شاراعا كىرىسكەن اۋداندىق مەكتەپتەردىڭ ەڭبەك ءپانى مۇعالىمدەرى مەن تەحنيكالىق قىزمەتكەرلەرىنە جەرگىلىكتى تۇرعىندار مەن ەرىكتىلەر كومەككە كەلدى.
بارلىق قورعانۋ قۇرالدارىن جەرگىلىكتى از قامتىلعان وتباسىلارعا تەگىن تاراتىپ بەرۋ كوزدەلگەن. بەتپەردەلەردى تىگۋگە قاجەتتى شيكىزات جەرگىلىكتى ساۋدا ورىندارىنان ساتىپ الىنعان. ساپاسى مەن تالاپقا ساي بولۋىن ارنايى سالا ماماندارى باقىلاۋدا ۇستايدى.
تۇركىستان وبلىسى
