ءبىز وسى جارقىن مەيرامدى ءاردايىم اسىعا كۇتەمىز.
بۇل – تىرشىلىك اتاۋلى جاندانىپ, جەر-دۇنيە جاڭاراتىن كەزەڭ.
بيىل ءبىز ناۋرىزدى ءبىرىنشى رەت مەرەكەلىك جيىندار مەن سالتاناتتى ءىس-شارالارسىز اتاپ ءوتىپ جاتىرمىز.
ونىڭ وزىندىك سەبەبى بار.
بۇكىل دۇنيەگە تاراعان ۆيرۋس قاۋپىنە تاپ بولدىق.
بىراق كوكتەمنىڭ كەلۋى مەن مەرەكەلىك كوڭىل كۇيگە بولەنۋگە ەشتەڭە كەدەرگى بولا المايدى.
ءبىز ءبىرتۇتاس حالىقپىز جانە ەلىمىزدى وركەندەتۋ جولىندا جۇمىلا جۇمىس ىستەۋگە دايىنبىز.
ەلىمىزدىڭ الدىندا تۇرعان بارلىق سىناقتاردان اۋىزبىرلىك پەن تاباندىلىقتىڭ ارقاسىندا سۇرىنبەي وتەتىنىمىزگە سەنىمدىمىن.
ۇلتتى ۇيىستىرعان ءداستۇرلى مەرەكەمىز بارشانىڭ ءۇمىتىن اقتاپ, جاڭا بەلەستەردى باعىندىرۋ ءۇشىن كۇش-قۋات پەن قاجىماس قايرات اكەلسىن.
وسىناۋ شۋاقتى مەيرامدا ءاربىر شاڭىراق شاتتىق پەن يگىلىككە تولسىن.
بارشاڭىزعا ىرىس-ىنتىماق, دەنساۋلىق پەن باق-بەرەكە تىلەيمىن!
ۇلىس وڭ بولسىن, اق مول بولسىن!
