پرەزيدەنت • 20 ناۋرىز، 2020

قاسىم-جومارت توقاەۆ ۆلاديمير پۋتينمەن تەلەفون ارقىلى سويلەستى

63 رەتكورسەتىلدى

مەملەكەتتەر باسشىلارى شەكارالاس ەلدەردەگى كوروناۆيرۋستىڭ تارالۋىنا توسقاۋىل قويۋ جونىندەگى ءىس-قيمىلدارعا قاتىستى ماسەلەلەردى تالقىلادى. بۇل تۋرالى اقوردانىڭ ءباسپاسوز قىزمەتى حابارلادى.

پرەزيدەنتتەر قازاقستان مەن رەسەي ۇكىمەتتەرىنىڭ بەلسەندى بايلانىستارىن اتاپ ءوتىپ، ەكى ەلدىڭ اتقارۋشى ورگاندارى ءىس-ارەكەتتەرىنىڭ ۇيلەسىمدىلىگىن كۇشەيتۋگە بايلانىستى ورتاق پىكىر ايتتى. قاسىم-جومارت توقاەۆ ۆلاديمير پۋتينگە سىناما-جۇيەسىنىڭ 4 مىڭ جيىنتىعىن بەرگەنى ءۇشىن ريزاشىلىعىن ءبىلدىردى. رەسەي پرەزيدەنتى ءوندىرىستىڭ ۇلعايۋ مۇمكىندىگىنە قاراي گۋمانيتارلىق كومەك رەتىندە بەرىلەتىن سىناما-جۇيەسىنىڭ جيىنتىقتار سانىن ارتتىرا تۇسەتىنىن  جەتكىزدى.

قاسىم-جومارت توقاەۆ ۆلاديمير پۋتينگە رەسەي ارقىلى كەلەتىن  جانە شەكارالىق ايماقتاعى قازاقستان ازاماتتارىنىڭ قايتۋىنا ىقپال ەتۋدى سۇرادى. ۆلاديمير پۋتين تۋىنداعان ماسەلەنى شەشۋگە رەسەي ۇكىمەتى كومەكتەسەتىنىن ايتتى.

رەسەي پرەزيدەنتى ساۋدا-ەكونوميكالىق ىنتىماقتاستىقتى ودان ءارى كەڭەيتۋدىڭ جانە ەۋرازيالىق ەكونوميكالىق وداق اياسىندا ءوزارا ءىس-قيمىلداردى نىعايتۋدىڭ ماڭىزدىلىعىن اتاپ ءوتتى.

قازاقستان پرەزيدەنتى قاسىم-جومارت توقاەۆ رەسەيلىك ارىپتەسىن كونستيتۋتسيالىق رەفورمالاردىڭ تابىستى جۇزەگە اسىرىلۋىمەن قۇتتىقتاپ، جالپىۇلتتىق داۋىس بەرۋدىڭ وڭ ناتيجە بەرەتىنىنە سەنىم ءبىلدىردى.

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار