ەلىمىزدەگى سانيتارلىق-ەپيدەميولوگيالىق احۋال تۋرالى دەنساۋلىق ساقتاۋ ءمينيسترى ە. ءبىرتانوۆ, ەڭبەك نارىعىنداعى جاعداي جانە جۇمىسپەن قامتۋ شارالارى تۋرالى ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ, «سامۇرىق-قازىنا» ۇاق» اق شارالارى تۋرالى قوردىڭ باسقارما توراعاسى ا. ەسىموۆ, جۇمىسپەن قامتۋدى قولداۋ بويىنشا بيزنەس قاۋىمداستىق ۇسىنعان شارالار تۋرالى «اتامەكەن» ۇكپ» باسقارما توراعاسى ا. مىرزاحمەتوۆ, وڭىرلەردە جۇمىسپەن قامتۋ تۋرالى قاراعاندى, قوستاناي, پاۆلودار, اقتوبە, اتىراۋ وبلىستارىنىڭ, سونداي-اق نۇر-سۇلتان جانە الماتى قالالارىنىڭ اكىمدەرى باياندادى.
«قازاقمىس» كورپوراتسياسى, «سستكبوب» اق, NCOC جانە باسقا دا ءىرى كاسىپورىنداردىڭ باسشىلارى جۇمىس ورىندارىن ساقتاۋ شارالارى تۋرالى اقپاراتتى جەتكىزدى.
«سىرتقى نارىقتارداعى جاعىمسىز ديناميكا اياسىندا ءبىزدىڭ باستى باسىمدىعىمىز جۇمىس ىستەپ تۇرعان وندىرىستەردى ساقتاۋ, ەكسپورتتىق پوزيتسيالاردى ساقتاپ قالۋ بولىپ وتىر. ءبىز قازاقستاندىقتاردىڭ اراسىندا جۇمىسسىزدىقتىڭ ارتۋىنا جول بەرمەۋ ماقساتىندا وندىرىستىك پروتسەستەردى باسقارۋدا يكەمدىلىكتى قامتاماسىز ەتۋگە ءتيىسپىز», — دەدى ا. مامين.
پرەمەر-مينيستر وبلىستار مەن رەسپۋبليكالىق ماڭىزى بار قالالاردىڭ اكىمدەرىنە وڭىرلەردە الەۋمەتتىك شيەلەنىسكە جول بەرمەۋ ءۇشىن ۇيلەستىرىلگەن شارالار قابىلداۋدى, شارۋاشىلىق سۋبەكتىلەرىمەن جۇمىس ورىندارىن ساقتاۋ بويىنشا جاسالعان مەموراندۋمداردى وزەكتىلەندىرۋدى جانە كاسىپورىندارمەن ەكونوميكا سالالارى اراسىنداعى كاسىپورىندار جۇمىسكەرلەرىنىڭ باسقارىلاتىن اعىمى جونىندەگى جول كارتاسىن جاساسۋدى قامتاماسىز ەتۋدى تاپسىردى.
كاسىپكەرلىك بەلسەندىلىكتى قولداۋ, شاعىن جانە ورتا بيزنەستى دامىتۋ, جۇمىس ورىندارىن ساقتاۋ, نەسيەلەندىرۋدى ارتتىرۋ جانە ەكونوميكانىڭ وسى سەكتورىن ىنتالاندىرۋ بويىنشا باسقا دا داعدارىسقا قارسى شارالاردى قابىلداۋ قاجەتتىگىنە ەرەكشە نازار اۋدارىلدى.
«ەڭبەك جانە حالىقتى الەۋمەتتىك قورعاۋ مينيسترلىگىنە وڭىرلەردىڭ اكىمدىكتەرىمەن بىرلەسىپ, ادامداردىڭ جۇمىستان قىسقارتىلۋىنا جول بەرمەۋ جانە جۇمىسپەن قامتىلۋىنا جاردەمدەسۋ شارالارىن قابىلداي وتىرىپ, جۇمىستان بوساتىلۋ ىقتيمالدىلىعىنا كۇندەلىكتى مونيتورينگ جۇرگىزۋدى تاپسىرامىن», — دەدى ا. مامين.
