كەلەسى ماۋسىمنان باستاپ تۇركىستانداعى جىلۋ جۇيەسىندە قاتتى وتىننان سۇيىق وتىنعا كوشۋ جولدارى قارالۋدا. بۇل ورايدا گازبەن جىلىتىلاتىن 3 قازاندىق بولادى. وسىلايشا قالانىڭ ەكولوگيالىق احۋالى جاقسارا تۇسپەك. بۇل جونىندە تۇنگى رەيد بارىسىندا قالا اكىمى راشيد ايۋپوۆ ءمالىم ەتتى. الدىمەن قوعامدىق كولىكتەردەگى زالالسىزداندىرۋ جۇمىستارىنىڭ تالاپقا ساي جۇرگىزىلىپ جاتقاندىعىن باقىلاپ, ولارعا ورناتىلعان GPS قۇرىلعىلارىنىڭ جۇمىسىن كورگەن قالا اكىمى تەمىرجول ۆوكزالىندا بولدى. ۆوكزال اۋماعىنداعى اللەيانىڭ قۇرىلىس جۇمىستارى جۋىق ارادا جۇمىستار اياقتالىپ, پايدالانۋعا بەرىلەدى. سونىمەن قاتار, اتالعان ورىنداردا COVID-19 ىندەتى تارالۋىنىڭ الدىن الۋ شارالارى دا ءجىتى تەكسەرىلدى. زالالسىزداندىرۋ, تازالىق ساقتاۋ, انتيسەپتيكتەر مەن مەديتسينالىق بەتپەردەلەردىڭ ونداي ورىنداردا بولۋى قاجەتتىگى ايتىلدى. رەيد بارىسىندا دۇكەن, تويحانا, كافەلەردىڭ ۋاقىتىلى جابىلۋىن قاداعالاۋ بارىسىندا ءبىر دۇكەننىڭ جۇمىس جاساپ جاتقاندىعى بەلگىلى بولىپ, پوليتسيا تاراپىنان ەسكەرتۋ بەرىلدى.
تۇركىستان وبلىسى
