قوعام • 20 ناۋرىز، 2020

شارۋالارعا 24 ملرد تەڭگە ءبولىندى

31 رەتكورسەتىلدى

اگروونەركاسىپ كەشەنى سۋبەكتىلەرىنە «كەڭ دالا» باعدارلاماسى بويىنشا كوكتەمگى دالا جۇمىستارى جانە ەگىن جيناۋ جۇمىستارىن جۇرگىزۋگە جەڭىلدىكپەن نەسيە راسىمدەۋ مۇمكىندىگى بەرىلدى. ديقاندارعا جالپى سوماسى 24 ملرد تەڭگە كولەمىندە نەسيە ءبولىندى. بۇل تۋرالى «اتامەكەن» ۇلتتىق كəسىپكەرلەر پالاتاسى حابارلادى.

«كەڭ دالا» باعدارلاماسى بويىنشا نەسيە الۋعا ەلدىڭ بەس وڭىرىنەن وتىنىمدەر ءتۇسىپ ۇلگەردى. جاقىن ارادا قالعان وبلىستار دا بەلسەندى قاتىساتىنى كۇتىلۋدە. ۇلتتىق بانك بازالىق مولشەرلەمەنى وسىرگەن ۋاقىتتا شارۋالار ەگىن ەگۋ جانە استىق جيناۋ جۇمىستارىن ۋاقىتىندا باستاۋعا نەبارى جىلدىق 5%-بەن نەسيەنى پايدالانا الادى.

«ۆاليۋتا كۋرسىنىڭ قۇبىلۋى، مولشەرلەمەلەردىڭ ءوسۋى جانە كوروناۆيرۋستىق ينفەكتسياسىنىڭ پاندەمياسىنا بايلانىستى ەكونوميكادا ورىن العان كۇردەلى كەزەڭگە قاراماستان Halyk Bank جانە اگرارلىق نەسيە كورپوراتسياسى وسى ماڭىزدى پروتسەستى باستادى. ءبىرىنشى كەزەكتە وتاندىق اۋىل شارۋاشىلىعى وندىرۋشىلەرىنە جانە اگرارلىق سالانىڭ دامۋىنا قامقورلىق تانىتۋ كوزدەلگەن. ءبىز اگرارلىق نەسيە كورپوراتسياسى باسشىلىعىنا ءتيىمدى سەرىكتەستىك جانە قارجىلاندىرۋ تۋرالى ماسەلەنى جەدەل قاراعانى ءۇشىن العىس بىلدىرەمىز»، – دەدى Halyk Bank  باسقارما توراعاسىنىڭ ورىنباسارى داۋرەن سارتاەۆ.

Halyk Bank وتكەن جىلدان باستاپ اگرارلىق نەسيە كورپوراتسياسىمەن بەلسەندى ىنتىماقتاستىقتى قولعا الدى، ناتيجەسىندە قارجى ينستيتۋتى اۋىل شارۋاشىلىعى سالاسىنا قاراي الەۋەتتى باعدارلاي الدى. ايتا كەتەلىك، «كەڭ دالا» باعدارلاماسى شەڭبەرىندە كەپىلزاتتىق قامتاماسىز ەتۋ بويىنشا قاتاڭ تالاپتار جوق. شارۋالارعا جىلدىق ماۋسىمدىلىقتى ەسەپكە الا وتىرىپ، قارىزدى تولەۋ بويىنشا ىڭعايلى شارتتار قاراستىرىلعان. بۇدان بولەك، بانكتىڭ تۇراقتى جانە سەنىمدى كليەنتتەرىنە كەپىلزاتتى قامتاماسىز ەتۋ قۇرىلىمىندا جەڭىلدىكتەر جاسالدى.

وسى رەتتە 12 ايدان از مەرزىمدى قۇرايتىن نەسيەلەۋدىڭ قىسقا مەرزىمى اۋىل شارۋاشىلىعى وندىرۋشىلەرىنە اتالعان ارزان زايمدى قولدانۋعا مۇمكىندىك بەرمەي وتىر. قازىرگى تاڭدا شارۋالاردان نەسيەلەۋ مەرزىمىن ءبىر جىلعا دەيىن ۇزارتۋ بويىنشا ۇسىنىستار كەلىپ جاتىر. اۋىل شارۋاشىلىعى ونىمىنە ماۋسىمدىق باعا كونيۋكتۋراسىن ەسەپكە الا وتىرىپ، نەسيەنى 2020 جىلدىڭ كوكتەمىنەن 2021 جىلدىڭ كوكتەمىنە دەيىنگى ارالىعىندا بەرۋ – ديقاندارعا قارىز اقشانى اناعۇرلىم تيىمدىرەك پايدالانۋعا مۇمكىندىك بەرەر ەدى.

«بانك ءوزىنىڭ بارلىق وڭىرلەردەگى بولىمشەلەرى ارقىلى ءوز كليەنتتەرىنە، سونىڭ ىشىندە اۋىل شارۋاشىلىعىندا جۇمىس ىستەيتىن كاسىپكەرلەرگە سەرۆيستىك قولداۋمەن قامتاماسىز ەتۋدى جالعاستىرادى. كليەنتتەردىڭ ىڭعايىنا قاراي نەسيەلىك مامىلەلەردى قاشىقتىقتان ونلاين-راسىمدەۋدى ىسكە قوستىق. ەندى كليەنتتەرىمىزگە كەڭسەلەرىمىزگە كەلىپ، ءوتىنىم جاسىپ، قۇجاتتارعا قول قويۋدىڭ قاجەتى جوق»، – دەدى Halyk Bank باسقارما توراعاسىنىڭ ورىنباسارى.

قازىرگى تاڭدا الەمدىك نارىقتاردىڭ قۇبىلمالىلىعى، جاريالانعان توتەنشە جاعداي جانە كوروناۆيرۋستىق ينفەكتسيانىڭ كارانتينى جاعدايىندا اگرارلىق سەكتوردىڭ – ەل ەكونوميكاسى مەن ازىق-ت ۇلىك قاۋىپسىزدىگى ءۇشىن ەرەكشە ماڭىزدىلىعىن ەسكەرە وتىرىپ، اۋىل شارۋاشىلىعىن بەلسەندى نەسيەلەۋ وتە ماڭىزدى. Halyk Bank باسشىلىعى مەملەكەت شارۋالاردى سۋبسيديالاۋ جانە قولداۋدىڭ قولدانىستاعى ەرەجەسىن وزگەرتپەيدى دەپ سەنەدى، بۇل شارا ولاردىڭ نارىقتى اۋىل شارۋاشىلىعى ونىمدەرىمەن قاماتاماسىز ەتۋمەن بايلانىستى بيزنەس-مىندەتتەمەلەرىن ورىنداۋعا مۇمكىندىك بەرەدى.

سوڭعى جاڭالىقتار

ۆەتەريناريا ادامزاتتى ەمدەيدى...

ايماقتار • بۇگىن، 15:55

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ۇقساس جاڭالىقتار