2019 جىلى كومپانيا توبىنداعى شوعىرلاندىرىلعان كىرىس مولشەرى 502,3 ملرد تەڭگەگە جەتتى. بۇل كورسەتكىشكە U3O8 (ۋران وكسيدى) نارىعىنداعى سپوت باعانىڭ ءوسۋى (قولما-قول باعا) جانە بىلتىرعى اقش دوللارىنا شاققانداعى تەڭگەنىڭ السىرەۋى ىقپالىن تيگىزدى. الدىڭعى كەزەڭمەن سالىستىرعاندا تومەن ديناميكانىڭ ەداۋىر ۇلەسى توپتىڭ قۇرامىنا «ينكاي» بك» جشس, «قاراتاۋ» جشس, «اقباستاۋ» اق, سونداي-اق 2018 جىلى «بايكەن-U» جشس جانە «حوراسان-U» جشس قوسۋمەن بايلانىستى. سايكەسىنشە, اتالعان مامىلەلەر بويىنشا 2018-2019 جىلى تازا كىرىستى 347,5 جانە 54,6 ملرد تەڭگەگە ارتتىردى. سونداي-اق بىلتىر بىرلەسكەن وپەراتسيالارعا بايلانىستى مىندەتتەمەلەر ەسەپتەن شىعارىلىپ, كىرىس 17,0 ملرد تەڭگەنى قۇرادى. بۇل سوما باستاپقىدا 2018 جىلدىڭ قورىتىندى ەسەبىندە ەسكەرىلگەن ەدى. ناتيجەسىندە بۇل كورسەتكىش 2019 جىلداعى تازا كىرىسكە اسەرىن تيگىزدى. وسى تابىس 2018 جىلعى بىرلەسكەن وپەراتسيالاردان ساتىپ الىنباعان ۋران كولەمىنە تيەسىلى. ونى كەلەسى كەزەڭدەردە دە ساتىپ الۋ قاراستىرىلماعاندىقتان, بۇل مىندەتتەمە 2019 جىلى ەسەپتەن شىعارىلدى. جوعارىداعى تۇزەتۋلەردى ەسكەرە وتىرا تازا كىرىس 2018 جىلدىڭ قورىتىندىسىمەن سالىستىرعاندا 84%-عا ۇلعايىپ, 142,1 ملرد تەڭگەنى قۇرادى.
