ءوز سوزىندە و.بەكەەۆ ەل پرەزيدەنتى قاسىم-جومارت كەمەل ۇلى توقاەۆتىڭ ىشكى ىستەر ورگاندارىنىڭ الدىنا قويعان نەگىزگى تاپسىرمالارىنا, ياعني قۇقىق بۇزۋشىلىقتارعا جول بەرمەۋ, ازاماتتاردىڭ قۇقىقتارىن قورعاۋدى قامتاماسىز ەتۋ جانە پوليتسيانىڭ قوعاممەن ءوزارا ءىس-قيمىل جاساۋىنىڭ تيىمدىلىگىنە باسا كوڭىل ءبولدى.
و.بەكەەۆ 2019 جىلى اتقارىلعان جەدەل-قىزمەتتىك جۇمىستىڭ قورىتىندىسىمەن تانىستىردى.
«بۇگىنگى كۇنى دەپارتامەنت قىزمەتكەرلەرى بۇكىل رەسپۋبليكا بويىنشا كولىكتەگى قۇقىقتىق ءتارتىپتى قامتاماسىز ەتەدى. رەسپۋبليكا اۋماعىندا 18 اۋەجاي, 1047 تەمىرجول ستانتسيالارى جانە 305 تەمىر جول ۆوكزالدارى ورنالاسقان», دەدى وڭال بوتاي ۇلى.
كولىك پوليتسەيلەرى بىلتىر تەمىرجول كولىگى ارقىلى جۇرگەن 20,5 ملن جولاۋشىنىڭ جانە اۋە كولىگىن قولدانعان 15 ملن جولاۋشىنىڭ قاۋىپسىزدىگىن قامتاماسىز ەتتى.
2019 جىلى بارلىعى ەكى مىڭنان استام قۇقىق بۇزۋشىلىقتار تىركەلدى. جالپى قىلمىستاردى اشۋ 72,9%-دى قۇرادى.
«قوعامنىڭ قولداۋ كورسەتۋى ءبىز ءۇشىن اسا ماڭىزدى, سەبەبى قوعاممەن ءوزارا ءىس-قيمىل جاساۋ حالىقتىڭ پوليتسياعا دەگەن سەنىمىن ارتتىرادى, ازاماتتارعا وزدەرىنىڭ قاۋىپسىزدىگىن قامتاماسىز ەتۋگە ۇلەستەرىن قوسۋعا مۇمكىندىك بەرەدى» - دەپ اتاپ كورسەتتى و.بەكەەۆ.
و. بەكەەۆ جازاتايىم وقيعالاردى بولدىرماۋ ءۇشىن كولىكتەگى پد مەن ونىڭ جەلىلىك بولىمدەرىندەگى قىزمەتكەرلەرى تەمىرجول جاراقاتىنىڭ الدىن الۋ بويىنشا پروفيلاكتيكالىق ءىس-شارالاردى ۇدايى جۇرگىزىپ كەلە جاتقانىنا توقتالدى. وكىنىشكە قاراي, جۇرگىزىلگەن پروفيلاكتيكالىق جۇمىستارعا قاراماستان ازاماتتار تەمىرجول كولىگى قوزعالىسىنىڭ قاۋىپسىزدىگى ەرەجەلەرىن ءجيى بۇزادى.
ماسەلەن, وتكەن جىلى تەمىرجول توسەمىنىڭ بەلگىلەنبەگەن جەرلەرىنەن وتكەن 25293 ازامات اكىمشىلىك جاۋاپكەرلىككە تارتىلدى. سونداي-اق پوەزداردى شۇعىل تەجەۋدىڭ 2505 فاكتىسى تىركەلدى.
و. بەكەەۆ ەرەسەكتەر مەن بالالاردى جەكە قاۋىپسىزدىك ەرەجەلەرىن مۇلتىكسىز ساقتاۋعا شاقىردى. ءارى تەمىر جولدار ارقىلى ءجۇرىپ وتۋگە بەلگىلەنگەن جانە جابدىقتالعان ورىنداردا, جاياۋ جۇرگىنشىلەر وتكەلدەرى, كوپىرلەر مەن تەمىر جول وتكەلدەرى بويىنشا عانا جول بەرىلەتىنىن كوپشىلىكتىڭ ەسىنە سالدى.
لياززات باقاشقىزى
