قازاقستان • 20 ناۋرىز، 2020

نۇر-سۇلتان جانە الماتى قالالارىنداعى جولاۋشىلار اۋە رەيستەرىنە قاتىستى اقپارات

29 رەت كورسەتىلدى

قازاقستان رەسپۋبليكاسى پرەزيدەنتىنىڭ جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا شەشىمدەرىن ورىنداۋ ءۇشىن 2020 جىلعى 22 ناۋرىز كۇنى ساعات 00:00-دەن باستاپ حالىقارالىق جانە جۇك رەيستەرىن قوسپاعاندا، بارلىق قازاقستاندىق اۋە كومپانيالاردىڭ نۇر-سۇلتان جانە الماتى قالالارىنان تۇراقتى جانە تۇراقتى ەمەس (چارتەرلىك) جولاۋشىلار رەيستەرى توقتاتىلادى دەپ حابارلادى يدم ءباسپاسوز قىزمەتى.

اتاپ ايتقاندا، نۇر-سۇلتان قالاسىنان الماتى، بالقاش، تالدىقورعان، پەتروپاۆل، تاراز، شىمكەنت، جەزقازعان، قىزىلوردا، ورال، وسكەمەن، پاۆلودار، سەمەي، اقتاۋ، اتىراۋ، اقتوبە، قوستاناي جانە ت. ب. قالالارعا 16 ىشكى باعىت بويىنشا اپتاسىنا 320 تۇراقتى رەيس;

الماتى قالاسىنان نۇر-سۇلتان، بالقاش، كوكشەتاۋ، پەتروپاۆل، تاراز، شىمكەنت، جەزقازعان، قاراعاندى، قىزىلوردا، ورال، وسكەمەن، پاۆلودار، سەمەي، ءۇرجار، اقتاۋ، اتىراۋ، اقتوبە، قوستاناي جانە ت. ب. قالالارعا اپتاسىنا 295 تۇراقتى رەيس توقتاتىلادى.​

توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ 2020 جىلعى 16 ناۋرىزداعى № 1 حاتتاماسىنا سايكەس، اۋە كومپانيالارى توتەنشە جاعداي رەجيمى قولدانىلاتىن كەزەڭدە اۋە بيلەتتەرىن ايىپپۇلسىز جانە تولىق كولەمدە قايتارۋدى راسىمدەۋى قاجەت.

ازاماتتاردىڭ شوعىرلانۋىن بولدىرماۋ ءۇشىن جولاۋشىلارعا 2020 جىلعى 22 ناۋرىز كۇنگى ساعات 00:00-دەن باستاپ نۇر-سۇلتان جانە الماتى قالالارىنىڭ اۋەجايلارىنا بارماۋدى ۇسىنامىز دەيدى يدم ءباسپاسوز قىزمەتى.

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار