تۇركىستان: بازارداعى ازىق-ت ۇلىك باعاسىندا ازداعان وزگەرىس بار

ايماقتار • 20 ناۋرىز، 2020

تۇركىستان: بازارداعى ازىق-ت ۇلىك باعاسىندا ازداعان وزگەرىس بار

112 رەت كورسەتىلدى

«Nur Otan» پارتياسى تۇركىستان وبلىستىق فيليالىنىڭ ۇيىمداستىرۋىمەن ورتالىق بازارداعى ازىق-ت ۇلىك باعاسىنا مونيتورينگ جۇرگىزىلدى.

عالىمجان ەلشىباي

بۇگىندە تۇركىستانداعى «قۋانىش» بازارىندا جىلقى ەتى 1900 تەڭگە بولسا، سيىر مەن قوي ەتى دە 1800-1900 تەڭگە ارالىعىندا ساۋدالانۋدا. نان 60-70 تەڭگە ارالىعىندا. ياعني، باعا وسپەگەن. ال كارتوپ باعاسى 140-150 تەڭگەگە جەتكەن. كوكونىس پەن تاۋىق ەتى ازداپ قىمباتتاعان. تۇركىستان وبلىسىندا 72 بازار بار. ونىڭ 14-ءى مال بازارى بولسا، 4 اۆتوكولىك جانە 54 امبەباپ بازار حالىققا قىزمەت ەتەدى. ال تۇركىستان قالاسىندا 8 بازار بار. ونىڭ ۇشەۋى – امبەباپ بازارلار. مونيتورينگ بارىسىندا ازىق-ت ۇلىك باعاسى تەكسەرىلىپ، بازار باسشىلىعى مەن كاسىپكەرلەرگە باعانى نەگىزسىز كوتەرمەۋ كەرەكتىگى ايتىلدى.

باعانى باقىلاۋ باعىتىندا مونيتورينگ جۇمىستارى تۇراقتى تۇردە جۇرگىزىلمەك. «كاسىپكەرلەر مۇمكىندىگىنشە باعانى قولدان وسىرمەي، ەلدىڭ جاعدايىمەن ساناسقانى ابزال. بۇگىن مونيتورينگ بارىسىندا ەت، نان، كۇرىشتىڭ باعاسى قىمباتتاماعانىن كوردىك. تيىسىنشە كارتوپ، شەكەر جانە تاۋىق ەتى سىندى بىرنەشە تاۋار ءتۇرى ءسال قىمباتتاعان. مونيتورينگ قورىتىندىسى بويىنشا اكىمدىك پەن ءتيىستى باسقارماعا ۇسىنىستار بەرەمىز»، دەدى پارتيا فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ.
«قۋانىش» بازارىنىڭ باسشىسى ينارا نامازباەۆا تاۋارعا 10-15 پايىزدان ارتىق ۇستەماقى قويماۋ جاعى قاتاڭ باقىلاۋدا ەكەنىن مالىمدەدى. سونىمەن بىرگە بازاردى دەزينفەكتسيالاۋ جۇمىستارى تۇراقتى ءجۇرىپ جاتقانىن جەتكىزدى. ال بازارداعى ساتۋشىلار كوتەرمە ساۋدا جاسايتىن ازاماتتار مەن وندىرۋشىلەر تاراپىنان تاۋار باعاسى شامالى قىمباتتاپ كەلىپ جاتقانىن ايتادى.

بۇگىنگى كۇنگە وبلىس اۋماعىنداعى قويمالار مەن ءىرى ساۋدا نىساندارىندا 19 اتاۋلى تاۋاردان 30 878 توننا ءونىم ساقتاۋلى تۇر. جالپى ازىق-ت ۇلىك قورى جەتكىلىكتى. ازىق-ت ۇلىك باعاسىنىڭ وسپەۋى «Nur Otan» پارتياسى مەن وبلىس اكىمدىگىنىڭ تىكەلەي باقىلاۋىندا بولادى.

تۇركىستان وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز