قازاقستان • 19 ناۋرىز، 2020

مەكتەپ وقۋشىلارى 6 ساۋىردەن باستاپ قاشىقتان وقىتۋعا اۋىسادى

21163 رەتكورسەتىلدى

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.

ء«بىز ارنايى جۇمىس توبىن قۇردىق. ونىڭ قۇرامىنا قاشىقتان ءبىلىم بەرۋ سالاسىندا جۇمىس ىستەيتىن «Bilimland»، «DDaryn.online»، «كۇندەلىك»، «Univer»، «Platonus»، «EduPage»، بيل، «BTS education»، «U-study» جانە «AGS» سىندى ۇيىمداردىڭ وكىلدەرى جانە پەداگوگتەر، ادىسكەرلەر، مەكتەپ ديرەكتورلارى، ديرەكتورلاردىڭ وقۋ ءىسى جونىندەگى ورىنباسارلارى جانە جوو پرورەكتورلارى ەندى.

جۇمىس بىرنەشە باعىت بويىنشا جۇرگىزىلۋدە. ماسەلەن، تاپسىرمالاردى بەرۋ، ولاردىڭ ورىندالۋىن تەكسەرۋ، باعالاۋ جانە كەرى بايلانىستى قامتاماسىز ەتەتىن اقپاراتتىق جۇيەلەردى ەنگىزۋ قاراستىرىلىپ جاتىر. ءبىلىم الۋشىلار بەينە-ساباقتارعا قاتىسىپ، تاپسىرمالار الىپ، قاجەت بولعان جاعدايدا پەداگوگتەردىڭ ءوز سىنىبىمەن ونلاين-تالقىلاۋ، باعالاۋ بويىنشا نەمەسە ۆيدەوستريمينگ سەرۆيستەرىن پايدالانا الۋىن قامتاماسىز ەتەتىن جۇيەلەردى ىسكە قوسۋ دا كوزدەلگەن. «تەلەارنالار ارقىلى ساباق وتكىزۋگە دايىندالۋدامىز. وندا بەينە-ساباقتار ساباق كەستەسىنە ساي كورسەتىلەتىن بولادى.

بۇل تەتىك، اسىرەسە، ينتەرنەت قۋاتى ءالسىز جانە قاجەتتى قۇرال-جابدىقتارعا قاتىستى قيىندىقتارى بار اۋىلدىق ءبىلىم بەرۋ ۇيىمدارى ءۇشىن وزەكتى. ءبىز ءۇشىن بارلىق ساباق ورتا ءبىلىم بەرۋدىڭ مەملەكەتتىك جالپىعا مىندەتتى ستاندارتىنا ساي وقۋ باعدارلاماسى بويىنشا، ساباق كەستەسىنە سايكەس، تسيفرلىق ءبىلىم بەرۋ رەسۋرستارى بويىنشا ادىستەمەلىك قولداۋمەن جانە مۋلتيمەديالىق ماتەريالدارمەن قامتاماسىز ەتىلىپ، ۇستازدار ءۇشىن الدىن الا ازىرلەنگەن جوسپار بويىنشا جۇرگىزىلگەنى ماڭىزدى. باستىسى، ءبىلىم الۋ تەتىگى ساپاعا اسەر ەتپەۋى قاجەت.

پەداگوگتەر مەن وقۋشىلاردىڭ تسيفرلىق ساۋاتتىلىعىن دامىتۋ ء ۇشىن ارنايى كۋرستار وتكىزىلىپ، نۇسقاۋلىقتار ازىرلەنەتىن بولادى. قازىردىڭ وزىندە مۇعالىمدەر ءۇشىن تسيفرلىق رەسۋرستاردى پايدالانۋ بويىنشا ءبىراز ۆيدەودارىستەر ازىرلەندى. ينكليۋزيۆتىك ءبىلىم بەرۋ، جاڭا تەحنولوگيالاردىڭ قولجەتىمدىلىگىنە قاتىستى پرينتسيپتەر ەسكەرىلەتىن بولادى. ينتەرنەت پروۆايدەرلەرى مەن بايلانىس وپەراتورلارى بويىنشا ءتسدياوم-مەن بىرلەسىپ جۇمىس جۇرگىزۋدەمىز. وسى كەزەڭدە ءبىلىم بەرۋ رەسۋرستارىن پايدالانۋ بارىسىندا ترافيك ەسەپتەلمەگەنى دۇرىس. وسى ماسەلە بويىنشا پرەمەر-مينيستر تاراپىنان ءتيىستى تاپسىرما بەرىلدى جانە قولداۋ كورسەتىلدى. كوپتەگەن ءىرى پلاتفورما ءوز قىزمەتتەرىن تەگىن ۇسىنىپ جاتىر. بۇل جۇمىسىمىزدى ءبىرشاما جەڭىلدەتتى. قازىرگى ۋاقىتتا «Zoom» ستريمينگتىك سەرۆيسى مەن «Coursera» دەپ اتالاتىن ءىرى پلاتفورمالاردىڭ ءبىرى تەگىن قىزمەت كورسەتۋدە. سونداي-اق «Google Classroom»، «Hangout»، «كۇندەلىك»، «Moodle» جۇيەلەرىن تەگىن قولدانۋعا بولادى. سونىمەن قاتار «Bilimland» پلاتفورماسى ءوزىنىڭ 40 مىڭنان استام كونتەنتىن تەگىن ۇسىندى«، - دەدى اسحات ايماعامبەتوۆ.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار