ۇلتتىق كاسىپكەرلەر پالاتاسى 16 ناۋرىزدا ارنايى جەدەل شتاب قۇردى. وعان 3 كۇن ىشىندە 6000-عا جۋىق ءوتىنىش تۇسكەن. ەلدەگى جاعدايعا بايلانىستى كومپانيالار جۇمىسشىلارىن قىسقارتۋعا ءماجبۇر. كاسىپكەرلەر شيكىزاتتىڭ جەتىسپەۋشىلىگىنەن نەمەسە كۇرت قىمباتتاۋىنان زارباپ شەگىپ وتىر. سوعان وراي عيمارات جانە جەر جالداۋ اقىسىن تولەۋ مەرزىمىن ۇزارتۋدى ءارى سالىقتان ۋاقىتشا بوساتۋدى سۇرايدى.
–بۇل قيىندىقتاردىڭ دەڭى شەكارا جابىلۋى مەن ارنايى قاۋىپسىزدىك شارالارىن ەنگىزۋ سالدارىنان تۋىنداپ وتىر. جالپى ء وتىنىش جىبەرگەن كومپانيالاردىڭ 85 پايىزى شاعىن بيزنەس, 13 پايىزى ورتا بيزنەس, 2 پايىزى ءىرى بيزنەس وكىلدەرى. شاعىم جاساعان كامپانيالاردىڭ جارتىسى نۇر-سۇلتان مەن الماتى قالالارىنا تيەسىلى, – دەيدى ن. بوكەيحانوۆ.
كاسىپكەرلەردىڭ 60 پايىزى قارجىلاي قيىندىققا تاپ بولعان. سوندىقتان كاسىپورىندار ەڭبەك رەسۋرستارىن ساقتاۋعا وتەماقى بەرۋدى ءوتىنىپ وتىر. «ايتىلعان ۇسىنىستار مەملەكەتتىك ورگاندارعا جىبەرىلدى. ولارمەن ارنايى شارالار جۇرگىزىلىپ جاتىر. ەڭ ءبىرىنشى قولدانىلاتىن شارا كاسىپكەرلەردى سالىقتان بوساتۋ. الداعى جاڭالىقتاردى كاسىپكەرلەر atameken.kz پورتالىنان بىلە الادى» دەدى ش. تەمىر. ونىڭ ايتۋىنشا كەيبىر بانكتار ءوز تۇتىنۋشىلارىنا جەڭىلدىكتەر جاساعان. ولاردىڭ نەسيە بويىنشا مىندەتتەمەلەرىن 90 كۇنگە كەيىن شەگەرىپتى. بۇگىندە بۇل جۇمىستار باسقا دا بانكتەرمەن جۇرگىزىلۋدە.
«اتامەكەن» ۇلتتىق كاسىپكەرلەر پالاتاسى تولىقتاي ونلاين رەجىمگە كوشتى. سوعان ساي كاسىپكەرلەرگە ارنايى call-تسەنتر ۇيىمداستىرعان. كەز كەلگەن كاسىپكەر1432 نومىرىنە حابارلاسىپ, كوكەيدەگى سۇراقتارىنا جاۋاپ الا الادى.
مۇحتار كۇمىسبەك
