ۇستىمىزدەگى جىلدىڭ 22 تامىزىندا ەلوردا ۆوكزالىنان «استانا – اتىراۋ» باعىتىنداعى №19/20 جاڭا جۇردەك پويىزى ساپارعا اتتاندى. كولىك جانە كوممۋنيكاتسيا مينيسترلىگى ءباسپاسوز قىزمەتىنىڭ حابارلاۋىنشا, بۇل جۇردەك پويىزدىڭ ساپارداعى ۋاقىتى 22 ساعات 57 ءمينوتتى قۇرايدى.
ۇستىمىزدەگى جىلدىڭ 22 تامىزىندا ەلوردا ۆوكزالىنان «استانا – اتىراۋ» باعىتىنداعى №19/20 جاڭا جۇردەك پويىزى ساپارعا اتتاندى. كولىك جانە كوممۋنيكاتسيا مينيسترلىگى ءباسپاسوز قىزمەتىنىڭ حابارلاۋىنشا, بۇل جۇردەك پويىزدىڭ ساپارداعى ۋاقىتى 22 ساعات 57 ءمينوتتى قۇرايدى.
ەلىمىزدىڭ بولات جولىنا العاش شىققان بۇل جۇردەك پويىزى تولىقتاي «تالگو» ۆاگوندارىنان تۇرادى. جەلمەن جارىسقان جايلى دا جۇردەك پويىز ءتورت كۇندە ءبىر رەت ساپارعا شىعاتىن بولادى.
استانا ۆوكزالىنان العاش رەت اتىراۋعا باعىت العان بۇل جۇردەك پويىزدىڭ قۇرامىندا 27 ۆاگون بار. ونىڭ 22-ءسى جولاۋشىلار تاسىمالدايتىن جايلى ۆاگوندار بولسا, ونىڭ ىشىندە 2-ءۋى «گراند» كلاسىنداعى (ەكى ورىندىق ليۋكس), 2-ءۋى «بيزنەس» كلاسىنداعى (ەكى ورىندىق) جانە 18-ءى «تۋريست» كلاسىنداعى ء(تورت ورىندىق ەكونومكلاستار) ۆاگوندار بولىپ تابىلادى. سونىمەن بىرگە, جۇردەك پويىز قۇرامىنا 3 تەحنيكالىق ۆاگون, 1 ۆاگون-بار, 1 ۆاگون مەيرامحانا تىركەلگەن. «گراند» كلاسىنداعى ۆاگونداردىڭ ءبىرى مۇمكىندىكتەرى شەكتەۋلى مۇگەدەك جولاۋشىلارعا لايىقتالىپ جابدىقتالعان.
سونىمەن بىرگە, 25 تامىزدا «استانا – سەمەي» باعىتىندا تاعى دا ءبىر جۇردەك پويىز جاساقتالىپ, ساپارعا اتتانادى. بۇل پويىزدىڭ ساپارداعى ۋاقىتى 12 ساعات 45 ءمينوتتى قۇرايدى. بۇرىن جول ازابىن تارتاتىن اتىراۋ جانە سەمەي باعىتىنا قاتىنايتىن جولاۋشىلار ەندى جايلى دا جۇردەك پويىزدارمەن ساپارعا شىعاتىن بولادى. ەسكە سالا كەتەتىن بولساق, قازىرگى ۋاقىتتا قازاقستاندا تۇتاستاي «تالگو» ۆاگوندارىمەن جاساقتالعان 5 جۇردەك جولاۋشىلار پويىزى ساپارعا شىعادى.
نياز جىلقىباەۆ.
