«الماتىلىق پارتيالاستار مەن ەرىكتىلەر كوممۋنالدىق سالا قىزمەتكەرلەرىنە ارناپ كوپ رەت قولدانۋعا ارنالعان بەتپەردەلەر تىكتى.
جوعارى تەمپەراتۋرادا زارارسىزداندىرىلىپ, ساراپشىلاردىڭ زەرتتەۋىنەن وتكەن بەتپەردەلەر ارنايى كونۆەرتكە سالىنىپ جولداندى.
بۇل ايرىقشا اكتسيانىڭ ءبىرىنشى كۇنى پارتيانىڭ جاستار قاناتى ۆولونتەرلەرى جۇزدەن استام قورعانىس قۇرالدارىن تاراتىپ ۇلگەردى.
– ارينە, بۇل تەڭىزگە تامعان تامشى عانا. بىراق بۇل باستاما ارقىلى ءبىز بەتپەردە دايىنداپ شىعارۋشىلاردى الەۋمەتتىك جاۋاپكەرشىلىككە شاقىرعىمىز كەلدى. تىم بولماسا, ءاربىر تىگىن تسەحى تەگىن 50 بەتپەردە تاراتاتىن بولسا, قوعامداعى سۇرانىس ازاياتىن ەدى, - دەيدى يدەيا اۆتورى بيبينۇر شەرباەۆا.
بەلسەندىلەر بەتپەردەلەردىڭ ساپاسى جونىندە مەديتسينا قىزمەتكەرلەرىمەن بىرنەشە رەت كەڭەسكەندەرىن اتاپ ءوتتى. بۇل بەتپەردەلەردى ءۇش ساعات پايدالانعان سوڭ جۋىپ, بىرنەشە رەت قايتا پايدالانۋعا بولادى. ەڭ باستىسى جۋعاننان كەيىن تەرميالىق وڭدەۋدەن وتكىزۋ كەرەك» دەلىنگەن حابارلامادا.
