«قازترانسگاز» اق كومپانيالار توبىندا داعدارىستىق جاعدايلاردى باسقارۋ جانە كوروناۆيرۋس ينفەكتسياسىنىڭ تارالۋىنا جول بەرمەۋ بويىنشا شتاب قۇرىلدى. بۇل ورايدا بارلىق وندىرىستىك پروتسەستەر, گاز ءوندىرۋ, وتاندىق تۇتىنۋشىلارعا جانە ەكسپورتقا گاز جەتكىزۋ شتاتتىق رەجىمدە جۇزەگە اسىرىلىپ جاتىر. ماگيسترالدىق گاز قۇبىرلارى ارقىلى گاز تاسىمالداۋ جانە ترانزيتتەۋ جوسپارلانعان كولەم اياسىندا جۇرگىزىلۋدە.
جۇمىسكەرلەردىڭ قاۋىپسىزدىگى مەن ىركىلىسسىز جۇمىستى قامتاماسىز ەتۋ ۇلتتىق گاز وپەراتورى ءۇشىن باسىمدىق بولىپ تابىلادى.
«قازترانسگاز» اق قىزمەتكەرلەرىنىڭ اراسىندا قاۋىپتى ينفەكتسيانىڭ تارالۋىنا جول بەرمەۋ ماقساتىندا قازاقستان رەسپۋبليكاسىنىڭ اۋماعىنان تىس جەرگە, سونداي-اق قازاقستان رەسپۋبليكاسىنىڭ اۋماعى بويىنشا دا بارلىق ىسساپارعا تىيىم سالىنعان.
بارلىق بۇقارالىق ءىس-شارا وتپەيتىن بولدى, بۇيرىقتارعا, قىزمەتتىك جازبالارعا, شارتتارعا جانە وزگە دە قۇجاتتارعا ەلەكتروندى قۇجات اينالىمى جۇيەسىندە قول قويۋ ارقىلى ەلەكتروندى قۇجات اينالىمىنا تولىقتاي كوشىرۋ جۇزەگە اسىرىلدى.
كومپانيالار توبىنداعى اكىمشىلىك قىزمەتكەرلەردىڭ 50%-دان استامى قاشىقتان جۇمىس ىستەۋ تارتىبىنە اۋىستىرىلدى. قاشىقتان جۇمىس ىستەيتىن قىزمەتكەرلەردىڭ روتاتسيا كەستەسى, جۇمىس كۇنىنىڭ باستالۋى مەن اياقتالۋ ۋاقىتى ايقىندالدى.
وفيستىك جانە وندىرىستىك ءۇي-جايلاردى دەزينفەكتسيالاۋ مەن وڭدەۋ جۇرگىزىلۋدە. قىزمەتكەرلەر اراسىندا جەكە گيگيەنا شارالارىنا قاتىستى ءتۇسىندىرۋ جۇمىستارى دا جۇرگىزىلىپ جاتىر.
وندىرىستە ادام كوپ جينالاتىن جەرلەردى دەزينفەكتسيالاۋ, سونداي-اق جۇمىسكەرلەردىڭ تەمپەراتۋراسىن ولشەۋ جۇزەگە اسىرىلىپ تۇرادى.
كومپانيا قىزمەتكەرلەرىنە جرۆي بەلگىلەرى بىلىنە باستاعاندا جۇمىسقا بارۋدان باس تارتۋ, جەدەل تۇردە دارىگەرگە كورىنىپ, تولىق ساۋىعىپ كەتكەنگە دەيىن سىرقاتتانۋ قاعازىن اشۋعا ۇسىنىس بەرىلدى.
وسىنداي شارالار ۇلتتىق گاز وپەراتورىنىڭ بارلىق ەنشىلەس جانە تاۋەلدى ۇيىمدارىندا دا قابىلداندى.
2020 جىلعى 18 ناۋرىزداعى جاعداي بويىنشا كوروناۆيرۋس ينفەكتسياسىن جۇقتىرعان قىزمەتكەرلەر انىقتالعان جوق.
ايزەرە سامارقان
