كارانتين دەگەنىمىز – شەكتەۋ, ياعني قالاعا سىرتتان كىرىپ-شىعۋعا تىيىم سالىنادى. تاراتا ايتساق, ەلورداعا وزگە وڭىرلەردەن قاتىنايتىن اۆتوبۋستار جۇرمەيدى. قالاعا كىرىپ-شىعۋ بەكەتتەرىنە شەكتەۋ قويىلىپ, سىرتتىڭ كولىكتەرىن كىرگىزبەيدى. ال ءسىز كارانتين ۋاقىتىنا دەيىن شاھاردان شىعىپ كەتكەن بولساڭىز جانە وسى قالا تۇرعىنى بولساڭىز, تۇرعىلىقتى جەرىڭىزگە قايتادان كىرە الاسىز.
بۇل كارانتينءنىڭ باستى ماقساتى – كوروناۆيرۋس ىندەتىن ەل اراسىندا ورشىتپەۋ, سول ارقىلى تۇرعىنداردىڭ دەنساۋلىعىن قورعاپ, قاۋىپسىزدىگىن ساقتاۋ. سوندىقتان نۇرسۇلتان مەن الماتى اينالاسىنداعى بارلىق بەكەتكە ازاماتتاردىڭ قىزۋىن ولشەيتىن قۇرىلعىسى بار قوسىمشا پۋنكتتەر ورناتىلادى.
بۇدان بولەك, ءىرى ويىن-ساۋىق ورتالىقتارى ۋاقىتشا جۇمىسىن توقتاتادى, حالىققا قىزمەت ورتالىقتارى قىسقارعان رەجيممەن جۇمىس ىستەيدى. بىراق ازىق-ت ۇلىك دۇكەندەرى, ءدارىحانالار, كولىك جۋاتىن ورىندار جۇمىسىن جالعاستىرا بەرەدى. دەمەك, تۇرعىندار دا كەرەك كەزدە ۇيىنەن شىعىپ, قاجەتتى ازىعىن, ءدارى-دارمەگىن ساتىپ الا الادى. حالىقتىڭ ءجۇرىس-تۇرىسىنا شەكتەۋ جوق. الايدا شەكتەۋ جوق ەكەن دەپ كوزگە كورىنگەن ورىندى جاپپاي ارالاپ كەتۋگە بولمايدى, اركىم ءوزىنىڭ جانە جاقىندارىنىڭ دەنساۋلىعى ءۇشىن ۇيدە وتىرعانى ابزال. سانالى ادام ەل بيلىگىنىڭ جاساپ وتىرعان ساقتىق شاراسىنا جاۋاپكەرشىلىكپەن قارايدى دەپ ويلايمىز.
كوپشىلىك كارانتيندى بارلىق قوزعالىسقا تىيىم سالۋ دەپ تە ءتۇسىءنىپ ءجۇر. ولاي ەمەس. مۇنداي تىيىم سالۋدى كومەندانتتىق ۋاقىت دەيدى. جۇرتشىلىققا ءمالىم, ەلىمىزدە كومەندانتتىق ۋاقىت بۇرىننان بار. اتاپ ايتقاندا, ەلىمىزدىڭ زاڭى بويىنشا, كامەلەتتىك جاسقا تولماعان جەتكىنشەكتەر ويىن-ساۋىق مەكەمەلەرىندە تۇنگى ساعات 22.00-دەن تاڭعى 6.00-گە دەيىن جۇرۋگە بولمايدى, بۇل – تىيىم سالىنعان كومەندانتتىق ساعات. ال كارانتين – كومەندانتتىق ۋاقىت ەمەس, تەك شەكتەۋ, ەل اراسىنداكۇردەلى ەپيدەميولوگيالىق جاعدايدى تۋعىزباۋ ءۇشىن مەملەكەتتىڭ جاساپ وتىرعان الدىن الۋ شاراسى.
وزگە ەلدەر كارانتيندى ۆيرۋستىق ينفەكتسيا ابدەن تاراپ, اۋىزدىقتاۋ مۇمكىن بولماي بارا جاتقاندا جاريالايدى. ال قازاقستان ىندەتتىڭ الدىن الۋ ءۇشىن ەنگىزدى. بۇل ەڭ الدىمەن حالىقتىڭ قامى ءۇشىن جاسالىپ وتىر. سوندىقتان ەلدىڭ تۇتاستىعى سىنالار وسىنداي ماڭىزدى ساتتە ءبارىمىز اۋىزبىرشىلىك تانىتىپ, اۋرۋدى بىرگە جەڭۋگە اتسالىسقانىمىز ءجون.
قىمبات توقتامۇرات
