ەلىمىزدە جاريالانعان توتەنشە جاعدايعا بايلانىستى ەرتەڭگى جانە كەشكى مەزگىلدە قالا كوشەلەرى تازارتىلىپ وتىرادى, دەپ مالىمدەگەن د.احمەتقاليەۆ كوممۋنالدىق قىزمەتتەر تۇنگى كەزەكشىلىكتە بولاتىندىعىن جەتكىزدى. جول بويى, جاياۋ جۇرگىنشىلەر جولى جۋىلىپ, زالالسىزداندىرىلادى. بۇل جۇمىستار سونىمەن بىرگە باۋ-باقتاردا, دەمالۋ الاڭدارىندا, قوعامدىق ورىنداردا جۇرگىزىلەدى. تۇرمىستىق قالدىقتار كەستەگە سايكەس شىعارىلادى. قوقىس جاشىكتەرى دە تازالىقتان وتەدى. ال ارى قاراي ۋتيليزاتسيالاۋ ماقساتىندا قالا تۇرعىندارى مەديتسينالىق قالدىقتاردى بولەك پاكەتتەرگە سالۋى قاجەت.
الماتى
