نۇر-سۇلتان جانە الماتى قالالارىنداعى سانيتارلىق-ەپيدەميولوگيالىق جاعداي مەن احۋال تۋرالى دەنساۋلىق ساقتاۋ ءمينيسترى ە. ءبىرتانوۆ, پرەمەر-ءمينيستردىڭ ورىنباسارى ە. توعجانوۆ, نۇر-سۇلتان قالاسىنىڭ اكىمى ا. كولگىنوۆ جانە الماتى قالاسىنىڭ اكىمى ب. ساعىنتاەۆ, قورعانىس ءمينيسترى ن. ەرمەكباەۆ جانە ىشكى ىستەر ءمينيسترى ە. تۇرعىمباەۆ, سونداي-اق, پرەزيدەنت اكىمشىلىگى باسشىسىنىڭ ورىنباسارى م. مىرزالين باياندادى.
نۇر-سۇلتان جانە الماتى قالالارىندا COVID-19 تارالۋىنىڭ كۇردەلى جاعدايىن ەسكەرە وتىرىپ, سونداي-اق, قازاقستاننىڭ باسقا قالالارىنا كوروناۆيرۋستىڭ تارالۋىنىڭ الدىن الۋ ماقساتىندا مەملەكەتتىك كوميسسيا نۇر-سۇلتان جانە الماتى قالالارىندا قوسىمشا شەكتەۋ, الدىن الۋ جانە ەپيدەمياعا قارسى شارالاردى ەنگىزۋ تۋرالى شەشىم قابىلدادى.
بيىلعى 19 ناۋرىزدا ساعات 00:00-دە ەنگىزىلەتىن شارالار مىنالاردى قامتيدى:
- كارانتيندى ەنگىزۋ جانە اۋقىمدى سانيتاريالىق-ەپيدەمياعا قارسى ءىس-شارالاردى جۇزەگە اسىرۋ;
- كارانتين ايماعىنىڭ پەريمەترىن بەلگىلەۋ جانە وعان كىرۋ/ودان شىعۋ پۋنكتتەرىن انىقتاۋ;
- ادامداردىڭ قوزعالىسىن, سونداي-اق, كولىك قۇرالدارىنىڭ كىرىپ/شىعۋىن شەكتەۋ;
- ءۇش سانات: اۋرۋدى جۇقتىرعاندار, ينفەكتسياعا كۇدىكتىلەر, كارانتيندەگىلەر ساناتى بويىنشا ارنايى ەمدەۋ مەكەمەلەرىنىڭ ۇزدىكسىز جۇمىس ىستەۋىن قامتاماسىز ەتۋ;
- حالىقتى ازىق-ت ۇلىكپەن قامتاماسىز ەتۋدى ۇيىمداستىرۋ جانە تىرشىلىكتى قامتاماسىز ەتۋ جۇيەسىنىڭ جۇمىس ىستەۋىنە وڭتايلى بولۋى ءۇشىن, ازاماتتاردىڭ قوزعالىسىن شەكتەۋ ءۇشىن قالالار اۋماعىنىڭ سەكتورلارىن جانە ولاردىڭ شەكارالارىن انىقتاۋ;
- قوعامدىق كولىك قوزعالىسىن كۇندىزگى ۋاقىتتا توقتاتا تۇرۋ نەمەسە شەكتەۋ جانە تۇنگى ۋاقىتتا توقتاتۋ;
- ازىق-ت ۇلىكتىك ەمەس ساۋدا بازارلارىنىڭ جۇمىسىن, ازىق-ت ۇلىك ونىمدەرى مەن دارىلىك زاتتاردى ساتاتىن نىسانداردى قوسپاعاندا, ءىرى ساۋدا-ويىن ساۋىق ورتالىقتارى مەن ساۋدا ۇيلەرىنىڭ جۇمىسىن ۋاقىتشا توقتاتا تۇرۋ;
- سانيتاريالىق-ەپيدەمياعا قارسى شارالاردى كۇشەيتە وتىرىپ, «كليەنتتەرگە دەيىن جەتكىزۋ» قاعيداتى بويىنشا قوعامدىق تاماقتانۋ نىساندارىنىڭ جاڭا جۇمىس رەجيمىن بەلگىلەۋ;
- حقكو-نىڭ جۇمىس رەجيمىن قايتا ۇيىمداستىرۋ;
- كارانتيندىك ايماقتارداعى حالىقتىڭ جانە ءاربىر سەكتوردىڭ ازىق-ت ۇلىك ونىمدەرىنە, ءدارى-دارمەكتەرگە, تىرشىلىكتى قامتاماسىز ەتۋ زاتتارى مەن العاشقى قاجەتتىلىك تاۋارلارىنا تاۋلىك سايىنعى قاجەتتىلىگىن انىقتاۋ;
- كارانتيندىك ايماقتىڭ ءاربىر سەكتورى ءۇشىن قوعامدىق كولىك قوزعالىسىن بارىنشا شەكتەۋدى ەسكەرە وتىرىپ, ساۋدا جانە ازىق-ت ۇلىكپەن ءارى العاشقى قاجەتتىلىك تاۋارلارىمەن قامتاماسىز ەتۋ ورتالىقتارىن انىقتاۋ;
- ۇيىمداستىرۋشىلىق سيپاتتاعى باسقا دا شارالار.
