ەكونوميكا • 17 ناۋرىز، 2020

باعا وتكەن اپتانىڭ باسىنداعى دەڭگەيدە بولۋى ءتيىس - باقىت سۇلتانوۆ

11 رەتكورسەتىلدى

بۇگىن ۇكىمەت الاڭىندا ونلاين-رەجيمدە وتكەن وتىرىس قورىتىندىسى بويىنشا قازاقستاننىڭ ساۋدا جانە ينتەگراتسيا ءمينيسترى ب. سۇلتانوۆ تج كەزىندە ازىق-ت ۇلىكپەن جانە العاشقى قاجەتتى تاۋارلارمەن قامتاماسىز ەتۋ تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ء«بىزدىڭ قازىرگى تاڭداعى باستى مىندەتىمىز – حالىقتىڭ تىرشىلىگىن ازىق-ت ۇلىكپەن جانە العاشقى قاجەتتىلىكتەگى تاۋارلارمەن ۇزدىكسىز قامتاماسىز ەتۋ. بۇل ۇكىمەت الدىنا قويىلعان مىندەت مەملەكەت باسشىسىنىڭ كەشەگى جارلىقتارىندا جانە ۇندەۋدە ايتىلدى. وسى كۇردەلى جاعدايدا ازىق-ت ۇلىك قاۋىپسىزدىگى تولىق قامتاماسىز ەتىلەتىنى ايتىلدى. جوعارىدا اتاپ وتكەنىمىزدەي، تاۋارلاردى ارتىعىمەن ساتىپ الىپ، دۇرلىگۋدىڭ قاجەتى جوق. بارلىق ساۋدا نىساندارى تولىق رەجيمدە جۇمىس ىستەيدى. ءىرى نىساندار بويىنشا شەكتەۋ بار، بۇل ازاماتتارىمىزدىڭ قاۋىپسىزدىگى ءۇشىن عانا جاسالعان، دەگەنمەن، تۇتاستاي العاندا، ونىممەن قامتاماسىز ەتۋ تولىق كولەمدە ۇيىمداستىرىلادى. ول ءۇشىن قوسىمشا شارالار قابىلداندى»، — دەپ ءتۇسىندىردى ب. سۇلتانوۆ.

بىرىنشىدەن، اكىمدىكتەر باسەكەلەستىكتى دامىتۋدى قورعاۋ ورگاندارىمەن، سونداي-اق تۇتىنۋشىلاردىڭ قۇقىقتارىن قورعاۋ ورگاندارىمەن بىرلەسىپ باعا وزگەرىستەرىنە تۇراقتى مونيتورينگ جۇرگىزىپ، باعا كەلىسىمدەرىن بولدىرمايدى.

«مەن باعانىڭ نەگىزسىز وسۋىنە ارەكەت جاساعان كاسىپكەرلەرگە باعا وتكەن اپتانىڭ باسىنداعى دەڭگەيىنە ورالۋى ءتيىس ەكەنىن حابارلايمىن، ەگەر بۇلاي بولماسا، وندا بارلىق قولدا بار قۇرالدار قولدانىلاتىن بولادى، سونىڭ ىشىندە جوعارىدا ايتىپ وتكەنىمدەي، پرەزيدەنت جارلىعىندا ايتىلعانداي، ۇكىمەتكە شەكتى باعالاردى ەنگىزۋگە مۇمكىندىك بەرىلدى. بۇل ەڭ سوڭعى شارا، بىراق بۇل ءبىزدىڭ كاسىپكەرلەر تج كەزىندە بيزنەس تاراپىنان الەۋمەتتىك جاۋاپكەرشىلىكتى دە قامتاماسىز ەتۋ قاجەتتىگىن ءتۇسىنۋى ءۇشىن ءتيىمدى قۇرال. وسىنداي جاعدايدا ازاماتتاردان پايدا تاۋىپ قالۋعا ءبىز جول بەرمەيمىز»، — دەپ مالىمدەدى ساۋدا ءمينيسترى.

ەكىنشىدەن، تاۋارلاردى تەڭدەستىرىلگەن جانە وڭىرارالىق ءبولۋ ءۇشىن ۆەدومستۆوارالىق ءوزارا ءىس-قيمىل قامتاماسىز ەتىلەتىن بولادى. قازىرگى جاعدايدا وڭىرلەر ازىق-ت ۇلىكتى جەتكىزۋدى قامتاماسىز ەتۋمەن بەلسەندى اينالىسادى جانە وڭىرارالىق جەتكىزىلىم ۇيىمداستىرىلعان. قر اشم تاراپىنان ءونىم وندىرۋشىلەر مەن ترەيدەرلەردىڭ ءتىزىمى بويىنشا ءتيىستى اقپارات وڭىرلەرگە بەرىلدى.

ۇشىنشىدەن، «اينالىم سحەماسى» دەپ اتالاتىن باعانى تەجەۋدىڭ نارىقتىق قۇرالدارىن قولدانۋ كەڭەيتىلدى، جەرگىلىكتى اتقارۋشى ورگاندار ساۋدا جەلىلەرىمەن بەلسەندى جۇمىس جۇرگىزۋدە، ولار ازىق-ت ۇلىك وندىرۋشىلەرمەن تىكەلەي جۇمىس ىستەۋ جانە ولاردى سالۋ بويىنشا وزىنە مىندەتتەمەلەر الادى، ونىڭ ۇستىنە قازىر جەتكىزۋ ماۋسىمى، ونىڭ ىشىندە وڭتۇستىكتەگى كورشىلەردەن باستالادى جانە بۇل سحەما وتكەن جىلى جاقسى ناتيجەلەر كورسەتتى. بارلىق وبلىستار وسى سحەماعا بەلسەندى تۇردە قوسىلادى.

تورتىنشىدەن، تاۋارلار تاپشىلىعى ورىن العان جاعدايىندا تۇراقتاندىرۋ قورلارى مەن مەملەكەتتىك ماتەريالدىق رەزەرۆتەر كوميتەتى دە تاۋار ينتەرۆەنتسيالارىن جۇرگىزە الادى، بىراق مۇنداي تاپشىلىق بولادى دەپ كۇتىلمەيدى.

بەسىنشىدەن، جەرگىلىكتى اتقارۋشى ورگانداردىڭ بەلسەندىلىگى پىسىقتالۋدا جانە كوشپەلى ساۋدا باعدارلارى بەكىتىلەدى.

«دۇرلىكپە جاساۋدىڭ قاجەتى جوق. جەرگىلىكتى اتقارۋشى ورگاندار ساۋدا نىساندارىمەن بىرلەسىپ، ءونىمنىڭ قولجەتىمدىلىگىن بارىنشا قامتاماسىز ەتەتىن بولادى. تەك ءىرى ساۋدا ورتالىقتارىنىڭ جۇمىسى شەكتەلگەن، تەك ساۋدا-ويىن-ساۋىق بولىگىنىڭ جۇمىسى توقتاتىلعان، دەگەنمەن سوسو-لارداعى فۋد-كورتتارعا ءونىمدى ۇيگە جەتكىزۋگە كوشۋگە مۇمكىندىك بەرىلدى»، — دەپ تۇيىندەدى ب. سۇلتانوۆ.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار