جارلىققا سايكەس قازاقستان ۇكىمەتىنە سالىق تولەۋشىلەردىڭ ساناتتارىن, سالىق مولشەرلەمەلەرىن جانە سالىق سالۋ ءتارتىبىن انىقتاۋ تاپسىرىلدى. ر. دالەنوۆ اتاپ وتكەندەي, ۇلتتىق ەكونوميكا مينيسترلىگى ۇسىنىستار ازىرلەدى.
ء«ىرى ساۋدا نىساندارىن, كينوتەاترلاردى, تەاترلاردى, كورمەلەردى, سپورت نىساندارىن قولداۋ ءۇشىن سالىقتىق ىنتالاندىرۋ بەرۋ ۇسىنىلادى. بۇل – زاڭدى تۇلعالار مەن جەكە كاسىپكەرلەردى م ۇلىك سالىعىنان ءبىر جىلعا بوساتۋ, ءبىر توقسان ىشىندە سالىق بەرەشەگى بويىنشا ءوسىمپۇلدى ەسەپتەۋدى توقتاتا تۇرۋ جانە سالىق ەسەپتىلىگى مەن ەسەپ ايىرىسۋلاردى بەرۋ مەرزىمىن ءۇشىنشى توقسانعا اۋىستىرۋ», — دەدى مينيستر.
ۇسىنىلىپ وتىرعان شارالاردى مەملەكەت باسشىسىمەن كەلىسكەننەن كەيىن ۇكىمەت جاقىن ارادا قابىلدايتىن بولادى.
سونىمەن قاتار ر. دالەنوۆ تابىستىڭ جوقتىعىنا بايلانىستى ءىرى مەيرامحانالار مەن باسقا دا ۋاقىتشا جابىلعان نىسانداردىڭ اقشا شىعىنىنىڭ الدىن الۋ, جالعا الۋ اقىسىن تولەۋ, قىزمەتكەرلەردىڭ جالاقىسىن بەرۋ ماسەلەسىن قالاي ەڭسەرۋگە بولاتىنىن ءتۇسىندىردى. ونىڭ ايتۋىنشا, بۇل ماسەلەنىڭ بىرنەشە شەشىمى بار.
«بىرىنشىدەن, ەگەر جالاقى ەسەپتەلمەسە, وندا جالاقىدان تابىس سالىعى ۇستالمايدى. بۇل قولدانىستاعى نورما. ەكىنشىدەن, ەگەر جالاقى ەسەپتەلسە, بىراق كاسسالىق الشاقتىققا بايلانىستى سالىق مىندەتتەمەلەرىن ورىنداۋعا مۇمكىندىك بولماسا, سالىق بەرەشەگىنە ءوسىمپۇلدى ەسەپتەمەۋدى ەنگىزۋ ۇسىنىلادى. بۇل ۋاقىتشا نورما. ۇشىنشىدەن, وسى جىلى جالپى بەلگىلەنگەن رەجيمدە جۇمىس ىستەيتىن جەكە كاسىپكەرلەردى تابىس سالىعىنان بوساتۋ ۇسىنىلادى. بۇل قاراجاتتى ۇنەمدەۋگە جانە ولاردى جالاقى تولەۋگە جۇمساۋعا مۇمكىندىك بەرەدى», — دەدى ر. دالەنوۆ.
سونىمەن قاتار ونىڭ ايتۋىنشا, شوب-ءتىڭ جەكەلەگەن ساناتتارىنا ارنالعان سالىقتىق ىنتالاندىرۋلار دا ءۇي-جاي يەلەرىنىڭ جالداۋ مولشەرلەمەسىن تومەندەتۋىنە مۇمكىندىك بەرەدى.
