«وبلىس اۋماعىندا ءىرى ساۋدا نىساندارىنىڭ جۇمىس ىستەۋىنە ساعات 10-نان ساعات 18-گە دەيىن سانيتارلىق جانە دەزينفەكتسيالىق شارالاردى كۇشەيتە, فۋنكتسيالاردى تولىق ورىنداي وتىرىپ شەكتەۋ قويۋ. ازىق-ت ۇلىك دۇكەندەرى, ازىق-ت ۇلىك سۋپەرماركەتتەرى مەن ازىق-ت ۇلىك بازارلارى سانيتارلىق جانە دەزينفەكتسيالىق ءىس-شارالاردى كۇشەيتە وتىرىپ, ادەتتەگى رەجيمدە جۇمىس ىستەۋى ءتيىس. ساتىپ الۋشىلارعا قولجەتىمدى نان-توقاش, كونديتەرلىك جانە وزگە دە ونىمدەردى ساتۋ تەك ورالعان تۇردە بولۋى كەرەك. كيىم-كەشەك بازارلارىنىڭ جۇمىسىن ساعات 11-دەن ساعات 17-گە دەيىن سانيتارلىق جانە دەزينفەكتسيالىق ءىس-شارالاردى كۇشەيتە وتىرىپ شەكتەۋ قويۋ. حالىققا ازىق-ت ۇلىكتەردى, زاتتار مەن ءدارى-دارمەكتەردى ونلاين ساتىپ الۋدى جانە جەتكىزۋدى كەڭەيتۋ بويىنشا جۇمىستار جۇرگىزىلۋدە», دەدى نۇرجان كالەندەروۆ.
سونىمەن قاتار ول وڭىردەگى ءدامحانالار مەن مەيرامحانالاردىڭ قوعامدىق تاماقتاندىرۋ جۇمىسىن ساعات 22.00-گە دەيىن كەلۋشىلەر سانى 50 ادامنان اسپايتىن سانيتارلىق جانە دەزينفەكتسيالىق شارالاردى كۇشەيتە وتىرىپ, سونداي-اق, قولدى تازالاۋعا ارنالعان سانيتايزەرلەر ورناتا وتىرىپ شەكتەۋ قويۋ كەرەكتىگىن ايتتى. پرەزيدەنت جارلىعىندا كورەرمەندەردىڭ قاتىسۋىمەن وتەتىن سپورتتىق ءىس-شارالاردى, سونداي-اق, جاپپاي وتباسىلىق سالتاناتتار مەن ەستەلىك سالتتاردى وتكىزۋگە تىيىم سالۋ تۋرالى ناقتى ايقىندالعاندىقتان, ساۋدا ورتالىقتارىندا, كينوتەاترلاردا, تەاترلاردا, كورمەلەردە, فيتنەس-ورتالىقتار مەن جاتتىعۋ زالدارىندا, تۇنگى كلۋبتاردا, ادامدار كوپ جينالاتىن باسقا دا نىسانداردا ويىن-ساۋىق ايماقتارىنىڭ جۇمىس ىستەۋىنە تىيىم سالۋ كەرەكتىگىن ايتتى. «ساۋدا – ويىن-ساۋىق ورتالىقتارىندا ورنالاسقان ءدارىحانالار, ازىق-ت ۇلىك جانە ازىق-ت ۇلىك ەمەس دۇكەندەر جۇمىسىن جالعاستىرادى جانە سانيتارلىق قاۋىپسىزدىكتىڭ قاتاڭ شارالارىن ساقتاي وتىرىپ جۇمىس ىستەيتىن بولادى. مەكتەپتەن تىس قوسىمشا ءبىلىم بەرۋ نىساندارى جابىلادى», دەدى ول.
جامبىل وبلىسى
