ۇكىمەت • 17 ناۋرىز، 2020

ۇكىمەت كوكتەمگى ەگىس جۇمىستارىنا دايىندىق بارىسىن قارادى

22 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا كوكتەمگى ەگىس جۇمىستارىن جۇرگىزۋگە دايىندىق بارىسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

شارۋالاردىڭ ەگىس ناۋقانىنا دايىندىعى تۋرالى اۋىل شارۋاشىلىعى ءمينيسترى س. وماروۆ، جانار-جاعارماي ماتەريالدارىمەن قامتاماسىز ەتۋ تۋرالى ەنەرگەتيكا ءمينيسترى ن. نوعاەۆ، وڭىرلەردەگى جاعداي تۋرالى تۇركىستان وبلىسىنىڭ اكىمى ءو. شوكەەۆ، الماتى وبلىسىنىڭ اكىمى ا. باتالوۆ، قوستاناي وبلىسىنىڭ اكىمى ا. مۇحامبەتوۆ باياندادى.

بيىل 22،5 ملن گا جەردى يگەرۋ جوسپارلانىپ وتىر، بۇل 2019 جىلعى دەڭگەيدەن 238 مىڭ گا ارتىق. ءداندى داقىلدار شامامەن 15،2 ملن گا (ونىڭ ىشىندە بيداي – 11،4 ملن گا)، مايلى داقىلدار 3 ملن گا (+122 مىڭ گا)، ماقتا 110 مىڭ گا، قانت قىزىلشاسى 22 مىڭ گا، كوكونىس-باقشا داقىلدارى جانە كارتوپ 471،7 مىڭ گا، جەمشوپ داقىلدارى 3،7 ملن گا جەرگە ەگىلەدى دەپ كوزدەلگەن. 

كوكتەمگى ەگىس جۇمىستارىن جۇرگىزۋ ءۇشىن قاجەتتى ديزەل وتىنىنىڭ كولەمى انىقتالدى – 387 مىڭ توننا (اۋىل شارۋاشىلىعى تاۋارىن وندىرۋشىلەر ءۇشىن ورتاشا باعا – شامامەن 177 تەڭگە/ليتر). رەسپۋبليكادا 143 مىڭ تراكتور، 78 مىڭ تۇقىم سەپكىش، 243 مىڭ توپىراق وڭدەۋ قۇرالدارى، 4 مىڭ ەگىس كەشەندەرى بار. 2020 جىلعى 15 ناۋرىزداعى جاعداي بويىنشا تراكتورلاردىڭ ازىرلىگى 94%-دى، تۇقىم سەپكىشتەر 93%-دى، ەگىس كەشەندەرى 100%-دى، توپىراق وڭدەۋ قۇرالدارىنىڭ دايىندىعى 95%-دى قۇرايدى.

اگروونەركاسىپتىك كەشەن سۋبەكتىلەرىن قولداۋ ءۇشىن «اگرارلىق نەسيە كورپوراتسياسى» اق رەسپۋبليكالىق بيۋدجەتتەن 70 ملرد تەڭگە كولەمىندە بيۋدجەتتىك نەسيە ءبولدى، بۇل ادەتتەگى تاجىريبەدەن 10 ملرد-قا ارتىق. سوڭعى قارىز الۋشىلار ءۇشىن سىياقى مولشەرلەمەسى جىلدىق 5%-دان اسپايدى. بولىنگەن قاراجات 3 ملن گا ەگىس القابىن قامتۋمەن اوك 2400 سۋبەكتىسىن قارجىلاندىرۋعا مۇمكىندىك بەرەدى.

«جالپى كوكتەمگى ەگىس جۇمىستارىنا دايىندىق ۋاقىتىلى جۇرگىزىلىپ جاتىر. ۇكىمەت تاراپىنان كوكتەمگى ەگىستىكتى قارجىلىق جانە ماتەريالدىق-تەحنيكالىق قامتاماسىز ەتۋ بويىنشا بارلىق قاجەتتى شەشىمدەر قابىلداندى»، — دەدى ا. مامين.

ۇكىمەت باسشىسى كەيبىر وڭىرلەردىڭ تۇقىم دايىنداۋ (شقو، بقو، قىزىلوردا، پاۆلودار، اقتوبە وبلىستارى)، اۋىل شارۋاشىلىعى تەحنيكاسىن دايىنداۋ جوسپارلارىنان (بقو، اقمولا، الماتى، قىزىلوردا وبلىستارى) ارتتا قالىپ جاتقانىن، سونداي-اق بارلىق دەرلىك وبلىستاردا (جامبىل جانە تۇركىستان وبلىستارىنان باسقا) تىڭايتقىشتار بويىنشا سۋبسيديالاردىڭ بەكىتىلگەن نورمالارىنىڭ جوقتىعىن اتاپ ءوتتى.

«اۋىل شارۋاشىلىعى مينيسترلىگى مەن وبلىس اكىمدەرى كوكتەمگى ەگىس جۇمىستارىن ساپالى جۇرگىزۋ بويىنشا بارلىق قاجەتتى شارالاردى ۋاقىتىلى قابىلداسىن. ەنەرگەتيكا مينيسترلىگى بەكىتىلگەن كەستە مەن باعاعا سايكەس قاجەتتى ديزەل وتىنىن جەتكىزۋدى قامتاماسىز ەتسىن»، — دەپ تاپسىرما بەردى ا. مامين.

پرەمەر-مينيستر «قازاگرو» ۇبح» اق-عا قارجى قاراجاتىن ءتيىمدى پايدالانۋدى جانە ولاردىڭ اۋىل حالقى ءۇشىن قولجەتىمدىلىگىن قامتاماسىز ەتۋدى تاپسىردى.

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ەل ءۇشىن ماڭىزدى باستاما

پىكىر • بۇگىن، 08:25

ۇقساس جاڭالىقتار