«16 ناۋرىزدان باستاپ 5 ساۋىرگە دەيىن بالالار كوكتەمگى دەمالىسقا شىقتى. وسى ۋاقىت ارالىعىندا مەكتەپ مۇعالىمدەرى قاشىقتان جۇمىس ىستەيتىن بولادى. كانيكۋل اياقتالعان سوڭ, قاجەت بولعان جاعدايدا, وقۋشىلاردى قاشىقتان وقىتۋ ءۇشىن دايىندىق جۇمىستارى جۇرگىزىلۋدە. بۇل تۇرعىدا ارنايى توپ قۇرعان بولاتىنبىز. بۇل توپ ءبىر جارىم اي بويى جۇمىسىن اتقارىپ جاتىر. ەگەر 5 ساۋىردەن كەيىن وسىنداي ناقتى جاعداي بولاتىن بولسا, وندا ءبىز قاشىقتان وقىتۋ جۇيەسىنە كوشۋگە دايىن بولامىز. سوندىقتان قازىرگى ۋاقىتتا ءبىز جۇيەلى كونتەنتپەن قامتاماسىز ەتۋ, ونى تولتىرۋ, پەداگوگتاردى ۇيرەتۋ, سەرۆيستەردى تەستىلەۋ جۇمىستارىن جۇرگىزىپ, ونى 5 ساۋىرگە دەيىن اياقتاپ, قاجەت بولعان جاعدايدا, جاڭا فورماتپەن جۇمىس ىستەۋدى, ءارى قاراي وقۋدى جالعاستىرۋعا دايىن بولامىز» دەدى اسحات ايماعامبەتوۆ.
