«جۇمىس ىستەپ جۇرگەن ازاماتتار وزدەرىنىڭ ەڭبەك قۇقىقتارىن ءبىلۋى قاجەت.
بىرىنشىدەن, بۇگىنگى تاڭدا بارلىق كاسىپورىندار, مەكەمەلەر ەگەر دە قاشىقتان جۇمىس ىستەۋگە مۇمكىندىگى بولسا, قاشىقتان جۇمىس ىستەۋ رەجيمىنە كوشۋگە مىندەتتى. بۇل ەڭبەك كودەكسىنىڭ 138-بابىمەن رەتتەلەدى, قاشىقتان جۇمىسقا كوشكەن كەزدە جۇمىستىڭ تولەۋ ءتارتىبى وزگەرمەيدى. بۇل جەردە ازامات ءوزىنىڭ جۇمىس ورنىندا ەمەس, ۇيدەن جۇمىستى اتقارۋىنا مۇمكىندىگى بولادى. ەڭبەك كودەكسى بويىنشا وعان جۇمىس بەرۋشى ءتيىستى جاعداي جاساۋىنا مىندەتتى جانە جالاقىسى اتقارىلعان جۇمىس بويىنشا ءوزىنىڭ اي سايىنعى الىپ جۇرگەن كولەمىندە تولەنەتىن بولادى.
ەكىنشىدەن, ەگەر دە جۇمىس كولەمى شەكتەلەتىن بولسا, جۇمىس بەرۋشىلەر وزدەرىنىڭ بۇيرىعىمەن جۇمىس رەجيمىن, قىسقارتىلعان جۇمىس رەجيمىنە كوشۋىنە قۇقىلى. بۇل دەگەنىمىز اپتاسىندا جۇمىس كۇندەرىنىڭ سانى ازايۋ مۇمكىن نەمەسە سول ءبىر كۇندەگى اتقارىلاتىن جۇمىس ساعاتى ازايۋى مۇمكىن» دەدى ول.
