ايماقتار • 16 ناۋرىز، 2020

سوزاقتا تۇيە سانى 11 مىڭنان استى

32 رەتكورسەتىلدى

تۇركىستان وبلىسى سوزاق اۋدانىندا تۇيە شارۋاشىلىعىن دامىتۋ ءىسى جاندانىپ كەلەدى. قازىردىڭ وزىندە اۋدانداعى تۇيە سانى 11 مىڭنان اسىپ وتىر. الداعى ۋاقىتتا ءسۇتتى تۇيە سانىن 1600-گە ارتتىرىپ، ءسۇت كولەمىن 4 مىڭ تونناعا جەتكىزۋ جوسپارلانۋدا. ول ءۇشىن وڭىردە ارنايى باعدارلاما تۇزىلگەن. تۇركىستانداعى «Colden Camەl» زاۋىتىمەن بىرلەسىپ جۇمىس ىستەۋ باعىتىندا اۋداندا 4 قوجالىقتىڭ قوراسىنا ءبىر توننالىق ءسۇت قابىلداۋ بەكەتتەرى ورنالاستىرىلدى.

وبلىس اكىمى ومىرزاق شوكەەۆتىڭ تاپسىرماسىنا وراي اۋداندا تۇيە ءسۇتىن كوپتەپ ءوندىرىپ، ءتيىمدى باعادا ساۋدالاۋ ماقساتىنداعى ارنايى سەمينارلار وتكىزىلۋدە. سونداي-اق، اۋدان اكىمى سالىحان پولاتوۆتىڭ باستاماسىمەن ءىرىلى-ۇساقتى تۇيە باعاتىن قوجالىقتاردى بىرىكتىرۋ، اسىل تۇقىمدى ءسۇتتى مول كولەمدە بەرەتىن تۇيەلەردى ساتىپ الۋ، ءسۇت قابىلداۋ بەكەتتەرىن ۇيىمداستىرۋ ماسەلەلەرى قاراستىرىلۋدا. قازىرگى تاڭدا اۋدانداعى ءتورت اۋىلدىق وكرۋگتە ءسۇت قابىلداۋ بەكەتتەرى ورنالاستىرىلعان. سونىڭ ءبىرى «باعدات» شارۋا قوجالىعىندا بۇگىندە 505 باس تۇيە باعىلۋدا. ونىڭ 276-سى ۇرعاشى. 4 مىڭ گەكتار جايىلىمى بار قوجالىق بيىل ساۋىندى تۇيە سانىن 50-گە جەتكىزىپ، تاۋلىگىنە 150 ليتر ءسۇت ءوندىرۋدى كوزدەپ وتىر.

«جۋىردا بىزگە تۇركىستان قالاسىنداعى تۇيە ءسۇتىن تەرەڭ وڭدەيتىن زاۋىتتان وكىلدەر ارنايى كەلىپ، 1 توننالىق ءسۇت قابىلداۋ قوندىرعىسىن ورناتىپ كەتتى. وندا ءوزىنىڭ سالقىنداتقىشى، قوزعاپ تۇراتىن تەتىگى بار. زاۋىت وكىلدەرى ءبىر ليتر تۇيە ءسۇتىن 1000 تەڭگەدەن ساتىپ الامىز دەپ وتىر. ەندى بىرەر ايدا بىزدە 20-30 تۇيە ساۋىلا باستاسا، اپتاسىنا شامامەن 300 ليتر تۇيە ءسۇتىن وندىرە الامىز. بۇدان بولەك، كورشى شارۋا قوجالىقتارىنىڭ دا سۇتتەرىن قابىلداپ، شامامەن اپتاسىنا 1 توننا ءسۇتتى زاۋىتقا وتكىزە الامىز دەپ بولجاپ وتىرمىز»، – دەيدى «باعدات» شارۋا قوجالىعىنىڭ جەتەكشىسى پاتيما نىشانباەۆا.

 

 

تۇركىستان وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار