- كومپانيانىڭ ورتالىق اپپاراتىنىڭ ەكى قىزمەتكەرى كوروناۆيرۋستىق ينفەكتسيانى جۇكتىرۋى مۇمكىن دەگەن كۇدىك بولعانىن حابارلاۋدى ءجون كوردىك. قىزمەتكەرلەردىڭ بىرەۋى فرانكفۋرتتەن نۇر-سۇلتان قالاسىنا كەلگەن رەيستە كوروناۆيرۋستىق ينفەكتسيانى جۇقتىرعان ناۋقاسپەن بىرگە ءبىر ۇشاقتا بولدى. ەكىنشى قىزمەتكەر نۇر-سۇلتان قالاسىنان الماتى قالاسىنا دەيىن وسى ۇشاقپەن ۇشىپ بارعان بولاتىن. قىزمەتكەرلەر الگوريتمگە سايكەس, COVID-19 بار-جوعىن انىقتاۋ ءۇشىن تەست تاپسىردى, ونىڭ ناتيجەلەرى تەرىس بولىپ شىقتى, - دەلىنگەن «قازمۇنايگاز» كومپانياسىنىڭ ءباسپاسوز قىزمەتى تاراتقان حابارلامادا.
«قازاقستان رەسپۋبليكاسىندا كوروناۆيرۋستىق ينفەكتسيانىڭ تارالۋىنا جول بەرمەۋ بويىنشا قوسىمشا شارالار ەنگىزۋ تۋرالى» باس مەملەكەتتىك سانيتارلىق دارىگەر جانداربەك بەكشيننىڭ قاۋلىسىنا سايكەس اتالعان قىزمەتكەرلەر «ىقتيمال بايلانىس» ساناتىنا جاتقىزىلدى. قازىرگى ۋاقىتتا ولار ۇيدەگى كارانتينگە ورنالاستىرىلدى.
سونىمەن بىرگە قمگ كومپانيالارى توبى قىزمەتكەرلەرىنىڭ قاۋىپسىزدىگىن بارىنشا قامتاماسىز ەتۋ بويىنشا اۋقىمدى شارالار قابىلدانىپ جاتقانىن حابارلايمىز:
- وفيستىك جانە وندىرىستىك عيماراتتاردا دەزينفەكتسيا جۇمىستارى جۇرگىزىلۋدە. قىزمەتكەرلەر اراسىندا جەكە گيگيەنانى ساقتاۋ شارالارى تۋرالى ءتۇسىندىرۋ جۇمىستارى وتكىزىلۋدە;
- قمگ كومپانيالارى توبى بويىنشا قىزمەتكەرلەردىڭ قازاقستان اۋماعىندا, سونداي-اق شەتەلگە ءىسساپارلاردىڭ بارلىعىنا تىيىم سالىندى;
- بارلىق كوپشىلىك ءىس-شارالار توقتاتىلدى;
- وندىرىستە ادامدار كوپ جينالاتىن جەرلەردە دەزينفەكتسيا جۇرگىزۋ, سونداي-اق قىزمەتكەرلەردىڭ دەنە قىزۋىن ولشەۋ بويىنشا بارلىق قاجەتتى شارالار قابىلدانۋدا;
- اكىمشىلىك قىزمەتكەرلەردىڭ كەمىندە 50%-ى قاشىقتىقتان جۇمىس ىستەۋ تارتىبىنە اۋىسۋدا;
- ورتالىق اپپارات پەن بارلىق ەنشىلەس ۇيىمداردا ارنايى جەدەل شتابتار قۇرىلدى.
قمگ ءۇشىن قىزمەتكەرلەردىڭ قاۋىپسىزدىگى جانە ۇزدىكسىز وندىرىستىك قىزمەتتى قامتاماسىز ەتۋ ەرەكشە باسىمدىققا يە ەكەنىن اتاپ وتەمىز.
2020 جىلعى 16 ناۋرىزداعى جاعداي بويىنشا كوروناۆيرۋستىق ينفەكتسياعا شالدىققان قىزمەتكەرلەر انىقتالمادى. قمگ-نىڭ بارلىق كاسىپورىندارى قالىپتى جاعدايدا جۇمىس ىستەپ تۇر.
بۇدان باسقا, مۇناي مەن گاز ءوندىرۋ, تاسىمالداۋ جانە مۇناي وڭدەۋ زاۋىتتارىنداعى جۇمىس قالىپتى جاعدايدا جۇزەگە اسىرىلىپ جاتقانىن حابارلايمىز. مۇناي ونىمدەرىنىڭ تاپشىلىعى بايقالمايدى.
كومپانيا وسى ماسەلەلەرگە بايلانىستى بارلىق وزگەرىستەر تۋرالى جۇرتشىلىقتى ۋاقىتىلى حاباردار ەتىپ وتىرۋعا نيەتتى.
