سونداي-اق سۇحبات بارىسىندا كونفەسسياارالىق ديالوگتى نىعايتۋ ماسەلەلەرى مەن زاماناۋي سىن-تەگەۋرىندەردى ەڭسەرۋ جولدارىن ىزدەستىرۋدىڭ ماڭىزدىلىعى اتاپ ءوتىلدى. وسى رەتتە سۇلتان ءار-رۋمەيسي قازاقستاننىڭ تولەرانتتىلىق پەن ارتۇرلىلىكتى دارىپتەۋدەگى كوشباسشىلىق رولىنە جوعارى باعا بەردى. ونىڭ ايتۋىنشا, الەمدىك جانە ءداستۇرلى دىندەر سەزى ءداستۇرلى ءدىن وكىلدەرىنىڭ باسىن قوسىپ, ورتاق پروبلەمالاردى تالقىلاۋعا مۇمكىندىك بەرەتىن بىرەگەي الاڭ بولىپ تابىلادى.
سونىمەن قاتار كەزدەسۋگە «ادامدار اراسىنداعى باۋىرلاستىق جونىندەگى جوعارعى كوميتەتتىڭ» باس حاتشىسى مۇحاممەد ابدەل سالام قاتىستى. حالىقارالىق ۇيىمداردىڭ وكىلدەرى قازاقستانداعى سەزد «بەيبىتشىلىكتىڭ برەندىنە» اينالعانىن جەتكىزىپ, الداعى حاتشىلىق وتىرىسىنا بەلسەندى تۇردە قاتىساتىندىقتارىن راستادى.
