«قازىرگى ۋاقىتتا ىشكى ارلەۋ جۇمىستارى جۇرگىزىلۋدە, ينجەنەرلىك جەلىلەر جالپى كولەمدە 80%-عا ورىندالدى. بۇگىن ەكىنشى مۇناراعا جىلۋ تورابى ورناتىلادى, ياعني باتارەيالار, رادياتورلار ءبارى قويىلدى. ناۋرىز ايىنىڭ سوڭىنا دەيىن سىرتقى جۇمىستارىن اياقتايمىز. ءساۋىر ايىندا دەكوراتيۆتى سىلاۋدى باستايمىز جانە سول ايدىڭ سوڭىنا دەيىن سىرتىن بويايمىز. شىنى پاكەتتەر مەن ۆيتراجدار ساتىپ الىندى, سىرتقى بولىگىن شىنىلاۋ باستالدى. تاپسىرۋ مەرزىمى – 2020 جىلدىڭ تامىز ايى. بىراق ءبىز العاشقى كەزەكتى ەرتەرەك تاپسىرۋدى جوسپارلاپ وتىرمىز. ەكىنشى كەزەك بويىنشا قۇرىلىس كەلەسى ايدا جوسپارلانۋدا. بۇل بولىگى 2021 جىلدىڭ ەكىنشى توقسانىندا تاپسىرىلادى», دەدى «Meridian story LTD» جشس باس ديرەكتورى رومان شالۋتكين.
التىنبەك قايساعاليەۆ اتالعان تۇرعىن ءۇي كەشەنىنىڭ پروبلەمالارى تۋرالى ايتىپ, تامىز ايىندا كەشەن تاپسىرىلاتىنىن ءمالىم ەتتى.
«مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قالا اكىمدىگى پروبلەمالىق ۇيلەردىڭ قۇرىلىسىن اياقتاۋ بويىنشا جۇمىس جۇرگىزۋدە. الدانعان ۇلەسكەرلەردىڭ ماسەلەلەرىن شەشۋ تۇراقتى باقىلاۋدا. كۇن سايىن ءبىز بارلىق پروبلەمالىق نىسانداردى ارالاپ شىعامىز. بۇگىن ءبىز «ستوليچنىي-2» تك قۇرىلىسىنا باردىق. 8 جىل بويى تۇرعىندار ءوز پاتەرلەرىن كۇتۋمەن ءجۇر. بۇل تۇرعىن ءۇي كەشەنىندە بىرنەشە پروبلەما بار. ءبىرىنشىسى – بۇل ۇيدە 190 پاتەر, ال ۇلەسكەرلەرگە 230 پاتەر ساتىلىپتى, ياعني ۇلەسكەرلەر سانى پاتەر سانىنان ارتىق. ەكىنشىسى – ەكى, ءۇش مارتە ساتىلعان باسپانالار. بۇگىندە مەملەكەت وسى پروبلەمالىق نىسانداردى شەشۋمەن اينالىسىپ جاتىر. 2019 جىلى 10 ءۇي پايدالانۋعا بەرىلدى, بيىل تاعى 20 ءۇي پايدالانۋعا بەرىلەدى. «ستوليچنىي-2» كەشەنى – ءبىز جازدا اياقتاۋدى جوسپارلاپ وتىرعان نىسانداردىڭ ءبىرى. قارجىلاندىرۋ بار, مەردىگەر بار, ينجەنەرلىك كوممۋنيكاتسيالار بويىنشا بارلىق ماسەلەلەر شەشىلدى. تامىز ايىنا دەيىن اتالمىش نىساندى تاپسىرۋدى جوسپارلاپ وتىرمىز», دەدى ول.
«فەنيكس – ستوليچنىي» تۇرعىن ءۇي-قۇرىلىس كووپەراتيۆى (تقك) توراعاسى جانار دۇيسەنوۆا اكىمدىك پەن مەملەكەت تاراپىنان كورسەتىلگەن قولداۋ ءۇشىن العىسىن ءبىلدىردى.
ء«بىزدىڭ تۇرعىن ءۇي كەشەنىنىڭ جۇمىسى 2012 جىلى باستالعان. الايدا الاياق قۇرىلىسشىلاردىڭ كەسىرىنەن سوڭىنا دەيىن جەتپەدى. 2015 جىلى اكىمدىكتىڭ ۇسىنىسىمەن ءبىز تقك قۇرىپ, ۆەدومستۆوارالىق كوميسسيانىڭ ۇسىنعان الگوريتمى بويىنشا ءۇيدى اياقتاۋعا بولاتىن مۇمكىندىك تابىلدى. قازىرگى كورسەتكىشىمىز – بۇل بارلىق اتقارۋشى ورگاندارمەن كۇندەلىكتى اتقارعان ەڭبەگىمىزدىڭ ناتيجەسى. ءبىز تولىق قۇجاتتار پاكەتىن جيناعاننان كەيىن «نۇرلى جەر» مەملەكەتتىك باعدارلاماسىنا ەندىك», دەدى ول.
