قوعام • 16 ناۋرىز، 2020

ەلدە بار استىق كولەمى حالىقتى تولىعىمەن قامتاماسىز ەتە الادى - س. وماروۆ

33 رەتكورسەتىلدى

2019 جىلدىڭ قاڭتار-جەلتوقسان ايلارىندا اۋىل شارۋاشىلىعىنىڭ جالپى ءونىم كولەمى، وتكەن جىلدىڭ سايكەس مەرزىمىمەن سالىستىرعاندا 0.9 ۇلعايىپ، 5.2 ترلن تەڭگەنى قۇرادى. بۇل تۋرالى ۇكىمەت ساعاتىندا اۋىل شارۋاشىلىعى ءمينيسترى ساپارحان وماروۆ مالىمدەدى.

«بۇل رەتتە مال شارۋاشىلىعىنىڭ جالپى ءونىم كولەمى 4 پايىزعا ارتىپ، وسىمدىك شارۋاشىلىعىنىڭ ءونىمى 2019 جىلدىڭ قولايسىز اۋا رايىنا بايلانىستى 1.7 پايىزعا تومەندەدى. اۋىل شارۋشىلىعىنىڭ نەگىزگى كاپيتالىنا سالىنعان نەگىزگى ينۆەستيتسيالار 41.1 پايىزعا ارتىپ، 501.6 ملرد تەنگەنى قۇرادى. اگروونەركاسىپ ونىمدەرىنىڭ ەكسپورت 6.4 پايىزعا ۇلعايىپ، 3.3 ملرد اقش دوللارىن قۇرادى. ەگىن جيناۋ قورىتىندىلارى بويىنشا 17.4 ملن توننا استىق باستىرىلدى. بۇل 2018 جىلدىڭ دەڭگەيىنەن 2.9 ملن تونناعا از. بۇگىنگى كۇنى رەسپۋبليكا بويىنشا قولدا 12 ملن توننا استىق، ونىڭ ىشىندە 7.8 توننا بيداي بار، استىقتى ىشكى تۇتىنۋ كولەمى ءبىرىنشى شىلدەگە دەيىن شامامەن 5.8 توننا ال بيداي 3.8 توننانى قۇرادى»، - دەدى ساپارحان وماروۆ.

اۋىل شارۋاشىلىعى ءمينيسترى س.وماروۆتىڭ سوزىنە قاراعاندا، قازىر رەسپۋبليكا بويىنشا 1،3 ميلليون توننا الەۋمەتتىك ماڭىزدى تاۋار قورى بار.

–نەگىزىنەن ايماقتارداعى تۇراق­تاندىرۋ قورلارىنداعى ازىق-ت ۇلىكتىڭ تولىمدىلىعى تەكسەرىلىپ، وندىرۋشىلەردىڭ قويمالارىنا، ساۋدا نۇكتەلەرىنە مونيتورينگ جۇرگىزىلۋدە. قولدا بار مالىمەتكە سۇيەنسەك، قازىرگى تاڭدا رەسپۋبليكا بويىنشا 1،3 ملن توننا الەۋمەتتىك ماڭىزى بار تاۋار بار، – دەدى س.وماروۆ.

مينيستر اتاپ وتكەندەي، بۇل تاۋار حالىقتى 5-6 اي كولەمىندە قامتاماسىز ەتۋگە تولىعىمەن جەتكىلىكتى. ودان بولەك ازىق-ت ۇلىكتىڭ بارلىق ءتۇرى ءوندىرىلىپ تە جاتىر. وڭدەۋگە باعىتتالاتىن شي­كىزات قورى دا جەتكىلىكتى. وڭدەۋشى كاسىپورىندار قاجەت بولسا وندىرىستىك قۋاتتى ارتتىرادى.

– بىزدەگى نەگىزگى ازىق-ت ۇلىك ءتۇرىنىڭ ءبىرى – بيداي ۇنى. بيداي ۇنىنان ءۇش ميل­­ليون توننا وندىردىك. بۇل ىشكى قا­جەتتىلىكتى 204 پايىزدىق دەڭگەيدە جا­بۋعا جەتكىلىكتى. 144 مىڭ توننا كۇ­رىش ءوندىرىلدى. كۇرىشكە ىشكى سۇرانىس كو­لەمى – 76 مىڭ توننا، ياعني قاجەتتى­لىك­تى 190 پايىز جاۋىپ وتىرمىز. سول سە­كىلدى 165 مىڭ توننا ماكارون وندىرى­لۋدە، وعان ىشكى سۇرانىس – 150 مىڭ توننا، – دەدى ول.

 

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار