ايماقتار • 16 ناۋرىز، 2020

جامبىل وڭىرىندەگى نىساندارعا مونيتورينگ جۇرگىزىلدى

19 رەتكورسەتىلدى

بۇگىندە الەم حالىقتارىنىڭ الاڭداۋشىلىعىن تۋدىرىپ وتىرعان كوروناۆيرۋس اۋرۋىنىڭ الدىن-الۋ ماقساتىندا ەلىمىزدە دە كەشەندى شارالار قابىلدانۋدا. مەملەكەت باسشىسى قاسىم-جومارت توقاەۆ كوروناۆيرۋسقا بايلانىستى ەلىمىزدە توتەنشە جاعداي جاريالادى.

ساقتىق شارالارى اۋليەاتا وڭىرىندە دە باستالىپ كەتتى. بۇل رەتتە جامبىل وبلىسىنىڭ اكىمى بەردىبەك ساپارباەۆتىڭ تاپسىرماسىمەن قۇرىلعان موبيلدىك توپتىڭ ءىس-قيمىل الگوريتمىنە ساي، وبلىس اكىمىنىڭ ورىنباسارى ەرجان جىلقىباەۆ باستاعان اتالعان توپ مۇشەلەرى وڭىردەگى بىرقاتار نىسانداردىڭ كوروناۆيرۋسقا قارسى دايىندىعىنا مونيتورينگ جۇرگىزدى.

موبيلدىك توپتىڭ مۇشەلەرى اۋەجاي مەن تەمىرجول بەكەتتەرىنە، حالىققا قىزمەت كورسەتۋ ورتالىعى مەن ءىرى ساۋدا ورىندارىنا ارنايى باردى. ولار مەملەكەتتىك باس سانيتارلىق دارىگەردىڭ قاۋلىسىنا ساي، كوپشىلىك ءىس-شارالاردىڭ وتكىزىلمەۋىن قاداعالاۋ، قوعامدىق كولىكتەر مەن ايالدامالاردىڭ، حالىق كوپ شوعىرلاناتىن جەرلەردىڭ دەزينفەكتسيالانۋى، قول جۋاتىن سۋسابىن جانە تاعى دا باسقا جەكە گيگيەنالىق زاتتاردىڭ بولۋى، قوعامدىق جەرلەردە اقپاراتتىق-انىقتامالىق ماتەريالداردىڭ ورنالاسۋى سەكىلدى جۇمىستاردى تەكسەردى. نىسانداردى ارالاۋ بارىسىندا حالىق كوپ شوعىرلاناتىن «مارت» ساۋدا كەشەنىندەگى كينوتەاتر، كونكي الاڭى مەن بالالار ويىن الاڭىنىڭ جۇمىسى ۋاقىتشا توقتاتىلدى. ال، ءالى كۇنگە دەيىن جۇمىس ىستەپ تۇرعان  «استانا پارك» كينوتەاترىنىڭ اكىمشىلىگىنە جۇمىسىن توقتاتۋ تۋرالى ەسكەرتۋ بەرىلدى. سونداي-اق كاسىپكەرلىك نىساندارى، اتاپ ايتقاندا تويحانالار مەن مەيرامحانالاردىڭ يەلەرىنە ءتۇرلى جيىندار مەن باسقوسۋلاردى وتكىزبەۋ تاپسىرىلدى. جولاۋشىلار تاسىمالىمەن اينالىساتىن مەكەمەلەر دە قوعامدىق كولىكتەرگە دە ءجيى دەزينفەكتسيالىق تازالاۋ جۇمىستارىن باستادى.

بۇگىنگى تاڭدا تاراز قالاسىندا 10 مەكەمە 670 بىرلىك اۆتوبۋسپەن جولاۋشىلار تاسىمالداۋمەن اينالىسادى دەسەك، ولارعا 2000 دانا جادنامالار تاراتىلىپ، جۇمىسكەرلەر اراسىندا تۇسىندىرمە جۇرگىزىلدى. اۆتوسالوندارعا بيۋللەتەندەر ءىلىندى.

 

جامبىل وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار