حوككەي. ەلىمىزدىڭ ەكى قالاسىندا شايبالى حوككەيدەن قازاقستان كۋبوگى جارىسى باستالدى. بيىل ەل كۋبوگىنىڭ توپتىق ويىندارى كوكشەتاۋ مەن تەمىرتاۋدا وتەدى.
حوككەي. ەلىمىزدىڭ ەكى قالاسىندا شايبالى حوككەيدەن قازاقستان كۋبوگى جارىسى باستالدى. بيىل ەل كۋبوگىنىڭ توپتىق ويىندارى كوكشەتاۋ مەن تەمىرتاۋدا وتەدى.بيىلعى كۋبوك دوداسىنا ەكى توپقا بولىنگەن ون كوماندا قاتىسادى. «ا» توبىندا «ەرتىس» (پاۆلودار), «ارىستان» (تەمىرتاۋ), «گورنياك» (رۋدنىي), «استانا» (استانا), «تورپەدو» (وسكەمەن) ويناسا, «ۆ» توبىندا «بەيبارىس» (اتىراۋ), «ارلان» (كوكشەتاۋ), «الماتى» (الماتى), «نوماد» (استانا), «بۇركىت» (قاراعاندى) كوماندالارى كۇش سىناسادى.
فينالدىق ويىندار 27 تامىزدا كوكشەتاۋدا وتەدى.
كۇرەس. بولگاريانىڭ استاناسى سوفيادا كۇرەس تۇرلەرىنەن جاستار اراسىندا وتكەن الەم چەمپيوناتىندا گرەك-ريم كۇرەسىنەن اقان بايماعانبەتوۆ, ەركىن كۇرەستە ەرنۇر قاباتاەۆ جەڭىس تۇعىرىنىڭ ءۇشىنشى ساتىسىنا كوتەرىلدى.
الەم چەمپيوناتىندا جالپىكوماندالىق ەسەپتە مەدالدار جانە ۇپاي سانى بويىنشا رەسەي قۇراماسى كوش باستادى. ال قازاقستان كومانداسى كۇرەستىڭ ءۇش ءتۇرىن قوسقاندا مەدال سانى بويىنشا 17-18-ورىننان بولسا, ۇپاي سانىنان 12-ورىننان كورىندى.
ءجۇزۋ. كانادانىڭ مونرەال قالاسىندا سۋعا جۇزۋدەن مۇگەدەك سپورتشىلار اراسىندا وتكەن الەم چەمپيوناتىندا 50 مەترگە ەركىن جۇزۋدەن ايەلدەر اراسىندا S3 توبىندا جارىسقا قاتىسقان قازاقستان پاراليمپيادالىق قۇراماسىنىڭ مۇشەسى, حالىقارالىق دارەجەدەگى سپورت شەبەرى ءزۇلفيا عابيدۋللينا 0:47.40 سەكۋندتىق ناتيجەمەن الەم رەكوردىنا تۇزەتۋ ەنگىزدى.
ول وسىدان كەيىن دە توقتاعان جوق. كەلەسى كۇنى ءزۇلفيا 0:47.79 سەكۋند كورسەتكىشپەن الەم چەمپيوناتىنىڭ كۇمىس جۇلدەگەرى اتاندى. بۇدان كەيىن ول قولا جۇلدەنى جەڭىپ الدى. بۇل جولى ول 50 مەترگە شالقالاپ جۇزۋدەن ءۇشىنشى ورىن الدى. دارىندى سپورتشى مۇنىمەن دە توقتالماي, 100 مەترگە ەركىن جۇزۋدەن تاعى ءبىر قولا جۇلدەنى يەلەنىپ, الەم چەمپيوناتىنىڭ ءۇشىنشى ءجۇلدەسىنە يە بولدى.
رەگبي. 22-24 تامىز ارالىعىندا استانادا ەرلەر كوماندالارى اراسىندا رەگبي 7-دەن قازاقستاننىڭ اشىق چەمپيوناتىنىڭ IV تۋرى وتەدى.
قازاقستان چەمپيوناتىنا «دينامو-سكر الماتى», پرك «وليمپ» (تالدىقورعان), «دينامو» (شىمكەنت), ۆكس – №1 وربجسم (الماتى), «كاسپي» (اقتاۋ), №2 بجسمور (الماتى), قوستاناي وبلىسىنىڭ ءىىد, «قاراساي ەۋرازيا سپورت» (قاسكەلەڭ), «بارىس» (جامبىل وبلىسى), «ۋنيۆەرسيتەت» (پاۆلودار) جانە ەلوردالىق «استانا» كومانداسى قاتىسادى.
رەگبي-7 قازاقستان چەمپيوناتى 17-20 مامىر كۇندەرى الماتىدا باستالدى. قازىر تۋرنير كەستەسىندە «دينامو-سكر الماتى» (الماتى) 63 ۇپايمەن الدا كەلەدى. ودان كەيىن تالدىقورعاننىڭ پرك «وليمپ» كومانداسى 57 ۇپايمەن تۇرسا, «استانا» كلۋبى 49 ۇپايمەن ءۇشىنشى ورىندا تۇر.
فۋتبول. جاقىندا سپورت جانە دەنە شىنىقتىرۋ ىستەرى اگەنتتىگى «استاناارەنا» ستاديونىندا سپورت كۇنىنە بايلانىستى شاعىن فۋتبولدان تۋرنير وتكىزدى.
وعان اگەنتتىكتىڭ, رەسپۋبليكالىق «سارىارقا» ۆەلوترەگىنىڭ, ۇلتتىق شتاتتاعى كوماندالار جانە سپورت رەزەرۆى ديرەكتسياسىنىڭ, قاجىمۇقان مۇڭايتپاس ۇلى اتىنداعى سپورتتا دارىندى بالالارعا ارنالعان رەسپۋبليكالىق مەكتەپ-ينتەرناتتىڭ قۇراما كوماندالارى مەن «ەگەمەن قازاقستان» گازەتىنىڭ كومانداسى مەن استانالىق جۋرناليستەردىڭ «قالامگەر» كومانداسى قاتىستى.
جارىستا باس جۇلدەنى «سارىارقا» ۆەلوترەگىنىڭ كومانداسى جەڭىپ الدى. جۋرناليستەردىڭ «قالامگەر» كومانداسى ەكىنشى, قاجىمۇقان مۇنايتپاس ۇلى اتىنداعى سپورتتا دارىندى بالالارعا ارنالعان رەسپۋبليكالىق مەكتەپ-ينتەرناتتىڭ قۇراما كومانداسى ءۇشىنشى ورىندى يەلەندى.
«ەگەمەن-اقپارات».
