قوعامدىق ءتارتىپتى, حالىقتىڭ تىنىس - تىرشىلىگىن جانە كولىكتىڭ جۇمىس ىستەۋىن قامتاماسىز ەتەتىن وبەكتىلەردى, اسا ماڭىزدى مەملەكەتتىك جانە ستراتەگيالىق, ەرەكشە رەجيمدى, رەجيمدىك جانە ەرەكشە قورعالاتىن وبەكتىلەردى قورعاۋ كۇشەيتىلدى. وسىلايشا:
- ءىرى ساۋدا نىساندارى مەن ساۋدا ويىن-ساۋىق ورتالىقتارىنىڭ جۇمىس ىستەۋىنە شەكتەۋ قويىلادى, ولار ساعات 10.00-دەن 18.00-گە دەيىن جۇمىس جاسايدى (ازىق-ت ۇلىك دۇكەندەرى مەن سۋپەرماركەتتەردى قوسپاعاندا);
- ازىق-ت ۇلىك دۇكەندەرى, سۋپەرماركەتتەر مەن ازىق-ت ۇلىك بازارلارى سانيتارلىق جانە دەزينفەكتسيالىق شارالاردى كۇشەيتە وتىرىپ, ادەتتەگى رەجيمدە جۇمىس ىستەيدى.
- كيىم-كەشەك بازارلارى ساعات 11.00-دەن 17.00-گە دەيىن جۇمىس جاسايدى. سانيتارلىق جانە دەزينفەكتسيالىق شارالار كۇشەيتىلەدى. قوعامدىق تاماقتانۋ ورىندارىندا, ساۋدا ويىن-ساۋىق ورتالىقتارىنداعى فۋد-كورتتار دەزينفەكتسيادان ءوتىپ تۇرادى;
- ازىق-ت ۇلىك قاۋىپسىزدىگى شارالارىن ءتيىمدى ىسكە اسىرۋ قامتاماسىز ەتىلىپ جاتىر, ونىڭ ىشىندە الەۋمەتتىك ماڭىزى بار ازىق-ت ۇلىك تاۋارلارىن جەتكىزۋ مەن باعانى تۇراقتاندىرۋ قامتاماسىز ەتىلۋدە;
- قوعامدىق كولىكتەر قالىپتى رەجيمدە جۇمىس ىستەيدى. سوڭعى ايالداما پۋنكتتەرىندە اۆتوبۋستار دەزينفەكتسيادان وتەدى.
- بالاباقشالار قالىپتى رەجيمدە جۇمىس ىستەيدى. مەديتسينالىق جانە سانيتارلىق باقىلاۋ كۇشەيتىلەدى. بالانى اپارۋ نە اپارماۋدى اتا-انا ءوزى شەشەدى.
- مەكتەپتەن تىس قوسىمشا ءبىلىم بەرۋ وبەكتىلەرىنىڭ (وقۋشىلار سارايى, شىعارماشىلىق سارايلارى, اۋلا كلۋبتارى, ۇيىرمەلەر, سەكتسيالار, كومپيۋتەرلىك كلۋبتار) قىزمەتى توقتاتىلدى; سونداي-اق بارلىق سپورت نىساندارى جابىلدى. وقۋ-جاتتىعۋ جيىندارى, سپورت تۇرلەرى بويىنشا جاتتىعۋلار, بارلىق دەڭگەيدەگى جارىستار توقتاتىلدى;
- ويىن-ساۋىق, سپورتتىق (كورەرمەندەردىڭ قاتىسۋىنسىز وتكىزىلەتىندەردى قوسپاعاندا) جانە باسقا دا بۇقارالىق ءىس-شارالاردى, سونداي-اق وتباسىلىق, سالت-ءداستۇر ءىس-شارالارىن وتكىزۋگە تىيىم سالىنادى;
- كينوتەاترلاردىڭ, تەاترلاردىڭ, كورمەلەردىڭ جانە كوڭىل كوتەرۋ ورىندارىنىڭ (تۇنگى كلۋبتار, كاراوكە, بارلار, مونشالار, كومپيۋتەرلىك كلۋبتار, فيتنەس ورتالىقتار, جاتتىعۋ زالدارى, باسسەيندەر) جانە ادامدار كوپ جينالاتىن باسقا دا نىسانداردىڭ قىزمەتى توقتاتىلدى;
- مەيرامحانالاردىڭ, ءدامحانالاردىڭ جانە وزگە دە قوعامدىق تاماقتانۋ ورىندارىنىڭ جۇمىس ۋاقىتى 22.00 ساعاتقا دەيىن شەكتەلدى, بۇل رەتتە ءبىر جولعى ادامداردىڭ سانىن 50-گە دەيىن شەكتەۋ;
- ءدامحانا مەن مەيرامحانالاردا جانە ت.ب. جەرلەردە كاليانداردى پايدالانۋعا تىيىم سالىنادى
- مەكەمەلەرگە قىزمەتكەرلەرىن قاشىقتىقتان جۇمىس جاساۋ رەجيمىنە اۋىستىرۋ;
- سونداي-اق دەنساۋلىق ساقتاۋ وبەكتىلەرىندە جانە قارت كىسىلەر مەن مۇمكىندىگى شەكتەۋلى جاندارعا ارنالعان مەديتسينالىق-الەۋمەتتىك وبەكتىلەردە, الەۋمەتتىك وڭالتۋ ورتالىقتارىندا, بالالار ۇيىندە, ەرەكشە قاجەتتىلىگى بار بالالارعا ارنالعان وقۋ ورىندارىندا, ينتەرناتتاردا سانيتارلىق-دەزينفەكتسيالىق رەجيم كۇشەيتىلدى. ولارعا كەلۋشىلەرگە تيىم سالىندى.
- كوروناۆيرۋس ينفەكتسياسى جاعدايىندا ونىڭ ورشۋىنە جول بەرمەي, جويۋعا مەديتسينالىق وبەكتىلەردىڭ دايىندىعى قامتاماسىز ەتىلدى;
كوروناۆيرۋس ينفەكتسياسى انىقتالعان جاعدايلاردا ناۋقاستاردى اۋرۋحاناعا جاتقىزۋ قامتاماسىز ەتىلدى, مەديتسينالىق تەكسەرۋدەن وتۋگە جانە ەمدەلۋدەن باس تارتقان, كارانتين رەجيمىن ساقتاۋعا بەي-جاي قاراپ, ەپيدەميولوگيالىق جاعدايدى جانە ت.ب. جاعدايلاردى انىقتاۋدا قولىندا بار مالىمەتتەردى جاسىرعان كىسىلەرگە باقىلاۋ كۇشەيتىلدى.
