«تۇركيادا قالىپتاسقان جاعدايعا بايلانىستى ءار وقۋشىعا ءبىر اپتالىق, ال جوعارى وقۋ ورىندارىنىڭ ستۋدەنتتەرى ءۇش اپتالىق دەمالىسقا شىقتى. ۋاقىتشا ۇزىلىستەن كەيىن ولار قاشىقتىقتان وقىتۋ جۇيەسىنە كوشەدى.
ونلاين وقىتۋدا, ۇلتتىق ءبىلىم بەرۋ اقپاراتتىق جۇيەسىن قولدانامىز. اتالمىش جۇيە, بىرقاتار سەيسمولوگيالىق ايماقتارىمىزدا ءساتتى قولدانىلدى. سونداي-اق ءاربىر وقۋشىعا بارلىق بايلانىس وپەراتورىنان اقىسىز 3 گب ينتەرنەتپەن قامتاماسىز ەتىلەدى», دەدى ۇلتتىق ءبىلىم بەرۋ ءمينيسترى زيا سەلجۇك.
ال بۇعان دەيىن اتالعان دەرت ەۋروپادان ورالعان تۇرىك ازاماتىنان انىقتالعان ەدى. وسىعان بايلانىستى ۇكىمەت مۇشەلەرى مەن ءتيىستى ۆەدومستۆو وكىلدەرى شۇعىل تۇردە ماجىلىسكە شاقىرىلدى. ەل پرەزيدەنتى رەجەپ تايىپ ەردوعاننىڭ توراعالىعىمەن وتكەن وتىرىس 5 ساعاتقا سوزىلدى. جيىندا بىرقاتار شەشىمدەر قابىلدانىپ, ساقتىق شارالارى تالقىلاندى.
