«كوروناۆيرۋستىق ينفەكتسيانىڭ الدىن الۋ شارالارى اياسىندا ۇكىمەت بۇگىننەن باستاپ, ياعني 13 ناۋرىزدان باستاپ كوپشىلىك ءىس-شارالاردان باس تارتۋ تۋرالى شەشىم قابىلدادى. قالا باسشىلىعى ارنايى الدىن الۋ شارالارىن جۇزەگە اسىرا باستادى. كوروناۆيرۋستىق ينفەكتسيانىڭ الدىن الۋ ماقساتىندا نۇر-سۇلتان اكىمدىگى جانە قوعامدىق دەنساۋلىق ساقتاۋ باسقارماسى ەپيدەمياعا قارسى رەجىمدى ساقتاۋ بويىنشا بىرقاتار شارانى جۇرگىزىپ جاتىر», - دەدى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا.
ونىڭ ايتۋىنشا, كوروناۆيرۋس دياگنوزىندا ناۋقاستار ءتورت ساناتقا بولىنگەن.
«جاعدايى جەڭىل, ورتاشا جانە اۋىر دەگەن دياگنوز قويىلعان ناۋقاستار. سونداي-اق ۇيدە كارانتينگە جاتقىزىلاتىن ناۋقاستار. بارلىق اۋرۋحانالار ارنايى مەديتسينالىق جابدىقتارمەن جابدىقتالعان. بۇل قۇرالدار تىنىس الۋ جۇيەسى مەن قان اينالىمى جۇيەسىنىڭ اسقىنۋىن ەمدەۋگە باعىتتالادى. قاجەتتى قۇرالدار ءتىزىمى جەتكىلىكتى مولشەردە», - دەدى باسقارما باسشىسى.
