«شىمكەنتتە وندىرىلگەن مەديتسينالىق ماسكالاردىڭ العاشقى پارتياسى قالا ءدارىحانالارىندا بۇگىن بولادى. ماسكانى جەدەل رەسپيراتورلى ۆيرۋستىق ينفەكتسيالار (جرۆي) اۋرۋىنىڭ بەلگىلەرى بار ادامدار عانا كيۋى كەرەك. ەڭ قاراپايىم ءارى ەڭ ءتيىمدى قورعانىس تاسىلدەرى - قول جۋ مەن جەكە گيگيەنانى ساقتاۋ», - دەدى زەكەن يساكوۆ.
نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا جەكە گيگيەنا شارالارىنا مۇقيات كوڭىل ءبولۋ قاجەت ەكەنىن ايتتى. قولدى ءجيى جۋىپ, جوتەل كەزىندە ەتيكەت ەرەجەلەرىن ساقتاپ, انتيسەپتيكتەردى پايدالۋ كەرەك. قول بەرىپ امانداسۋدان باس تارتۋ قاجەت. سونىمەن قاتار ول ۇيدە كۇن سايىن ىلعالدى تازالاۋ جۇرگىزىپ, جەلدەتىپ تۇرۋدىڭ ماڭىزدىلىعىن ايتتى.
