ورال قالاسىندا پروكۋرورلار كەزەكتى تەكسەرۋ بارىسىندا اۋىل شارۋاشىلىعىن قولداۋعا ارنالعان مەملەكەتتىك باعدارلامانىڭ ورەسكەل بۇزىلعانىن انىقتادى. ناقتى ايتقاندا, «باتىس پويما اگرو» اۋىل شارۋاشىلىعى وندىرىستىك كووپەراتيۆىنىڭ باستىعى ارمات احمەتوۆ كوكتەمگى دالالىق جۇمىستار مەن ەگىن ورۋ ناۋقانىنا بولىنگەن قارجىنى جىمقىرعان. بۇل تۋرالى «استانا» تەلەارناسى حابارلادى.
ايىپتالۋشى 19 ديقانعا «ازىق-ت ۇلىك كەلىسىم-شارت كورپوراتسياسى» بولگەن 339 ملن. 600 مىڭ تەڭگەنى العاندىعى تۋرالى قول قويعىزعان ەكەن. نەگىزىندە بۇل قاراجاتتى ا. احمەتوۆ باس پايداسىنا جاراتىپ جىبەرگەن. قازىر ول قاماۋعا الىنىپ, قىلمىستىق كودەكستىڭ 176-بابىنىڭ بىرنەشە تارماعى بويىنشا قىلمىستىق ءىس قوزعالدى.
باقىتبەك كەنەش ۇلى.
