«دۇنيەجۇزىلىك دەنساۋلىق ساقتاۋ ۇيىمى 2020 جىلدىڭ 11 ناۋرىزىندا كوروناۆيرۋستى پاندەميا دەپ جاريالادى.
قازاقستان رەسپۋبليكاسىنىڭ اۋماعىندا كوروناۆيرۋستى بولدىرماۋ جانە تاراتپاۋ ماقساتىندا قر ۇكىمەتى جانىنداعى كوميسسيا الدىن الۋ شارالارىن كۇشەيتۋدە.
وسىعان بايلانىستى نۇر-سۇلتان قالاسىنداعى ورتا ءبىلىم بەرۋ مەكەمەلەرىندە (مەملەكەتتىك جانە جەكە مەنشىك مەكتەپتەر) ۆيرۋستىڭ الدىن الۋ ماقساتىندا 2020 جىلدىڭ 16 ناۋرىزىنان 5 ساۋىرىنە دەيىن وقۋشىلارعا دەمالىس جاريالاندى. قوسىمشا ءبىلىم بەرۋ ۇيىمدارى دا (ۇيىرمەلەر) دەمالىس ۋاقىتىندا جۇمىسىن توقتاتادى.
وسى ۋاقىت ىشىندە كوللەدج ستۋدەنتتەرى قاشىقتان وقىتىلاتىن بولادى.
سونداي-اق بالاباقشالار جۇمىس ىستەيدى. اتا-انالارعا مۇمكىندىك بولسا بالالاردى ۇيدە قالدىرۋعا كەڭەس بەرەمىز.
قۇرمەتتى اتا-انالار, ساقتىق شارالارىنا تۇسىنىستىكپەن قاراۋلارىڭىزدى سۇرايمىز» دەلىنگەن حابارلامادا.
