ءۇيدىڭ تۇڭعىشى جانبوتا – 19 جاستا. وزىنەن كەيىنگى ءتورت باۋىرىن جەتەكتەپ, مەكتەپ بىتىرگەن سوڭ ءبىلىم الۋعا مۇرشاسى دا, قۇجاتتارى دا بولماعان. اكەدەن تىرىدەي ايىرىلسا, اناسى 2019 جىلى قاتەرلى دەرتتىڭ سالدارىنان كوز جۇمعان. قوس قاناتى قايىرىلىپ, پاناسىز قالعان بالاپاندار قازىر ءوز كۇندەرىن وزدەرى كورىپ ءجۇر. جالدامالى پاتەردە تۇرادى. جانبوتا ۋاقىتشا جۇمىس ىستەگەنىمەن, كۇندەلىكتى تاپقان 2-3 مىڭ تەڭگەسى ازىق-ت ۇلىكتەن ارتىلمايدى.
قايىرىمدى ىستەرىمەن كوپشىلىككە ۇلگى بولىپ جۇرگەن «حارەكەت» قايىرىمدىلىق قورى ەفير بارىسىندا بالالارعا توسىنسىي جاساپ, باسپانا كىلتىن تابىس ەتتى. بۇل توسىنسىي قازاق راديوسىنىڭ يدەياسىمەن, «حارەكەت» قورى, وسكەمەن قالاسى اكىمدىگى, وسكەمەن قالاسى ءبىلىم ءبولىمىنىڭ قولداۋىمەن جۇزەگە استى. وسى رەتتە وسكەمەن قالاسىنىڭ اكىمى جاقسىلىق مۇقاش ۇلىنا, قالقامان ايىمعازى ۇلىنا, اقەركە ابىلايحانقىزىنا, ءادىل سايلاۋبەككە, گۇلميرا مۇحانقىزىنا ەرەكشە العىسىمىزدى بىلدىرەمىز!
ەسكە سالا كەتسەك, «حارەكەت» قورى «مىڭ العىس» قايىرىمدىلىق كەشىندە ەكى جىل قاتارىنان 6 وتباسىنا باسپانا كىلتىن تابىس ەتىپ, قۋانىشقا بولەپ ەدى. بۇل ونەگەلى ءۇردىس قازاق راديوسىنىڭ ستۋدياسىندا جالعاسىن تاپتى.
«مىڭ العىس» حابارى مەن قايىرىمدىلىق كەشى اياسىندا بۇگىنگە دەيىن 120 ملن تەڭگە كولەمىندە كومەك كورسەتىلدى. كوڭىلدەرى مەيىرىم مەن قامقورلىققا جۇدەگەن بالالارعا بارشامىز قولداۋ كورسەتەيىك!
