بالالار ءۇشىن جول ءجۇرۋ تەگىن بولعانىمەن, ولار ۆاليداتسيانى مىندەتتى تۇردە جاساۋى كەرەك. بۇل شارا باعدارلىق جۇيەنى قۇرۋعا, وقۋشى قاۋىپسىزدىگىن قامتاماسىز ەتۋگە باعىتتالعان. سول رەتتە كولىك قىزمەتى اتا-انالاردان بالالارعا ۆاليداتسيانىڭ قاجەتتىلىگىن ءتۇسىندىرۋدى سۇرايدى.
سونداي-اق 7 جاسقا تولماعان بالالارعا اتاۋلى كولىك كارتاسىن الۋدىڭ قاجەتى جوق. وقۋشىدا كولىك كارتاسى بولعان جاعدايدا, جاڭاسىن قايتا شىعارۋ كەرەك ەمەس. كولىك ءاميانىندا اقشا قاراجاتى قالعان وقۋشىلار 28 ماۋسىمعا دەيىن ونى قايتارا الادى.
«ايلىق جول ءجۇرۋ» ءتاريفىن پايدالاناتىن وقۋشىلارعا قاراجات قايتارىلمايتىندىعىن ايتا كەتكەن ءجون. «وقۋشىنىڭ كولىك ءاميانىندا اقشا قاراجاتى قالعان جاعدايدا, ونى قايتارۋعا بولادى. «ايلىق جول ءجۇرۋ» ءتاريفى كەرى قايتارۋعا جاتپايدى. قاراجات ورتالىق كاسسادا (قوشقارباەۆ كوشەسى, 50/1) قايتارىلادى. قاجەتتى قۇجاتتار: اتا-اناسىنىڭ جەكە كۋالىگى جانە اتاۋلى كولىك كارتاسى. جەكە كۋالىك العان جاسوسپىرىمدەر وزدەرى الادى», - دەلىنگەن حابارلامادا.
16 جاسقا تولماعان بالانىڭ اتاۋلى كولىك كارتاسىن اتا-اناسى ورتالىق كاسسادان الۋى ءتيىس. ال 16 جاسقا تولعان جاسوسپىرىمدەر وزدەرى الادى. كاسسا دۇيسەنبى-سەنبى كۇندەرى ساعات 9:00-18:00-گە دەيىن ءۇزىلىسسىز جۇمىس ىستەيدى. جەكسەنبى كۇنى – دەمالىس.
كارتانى اشۋ ءۇشىن كەلەسى قۇجاتتار قاجەت: بالانىڭ تۋ تۋرالى كۋالىگى/جەكە كۋالىگى (16 جاستان اسقان بالالار ءۇشىن), وقۋ ورنىنان انىقتاما جانە 3ح4 فوتوسۋرەت. كارتانى شىعارۋ/قايتا شىعارۋ قۇنى – 400 تەڭگە. ەگەر بالانىڭ كولىك كارتاسى بولماسا نەمەسە ونى ۇيدە ۇمىتىپ قەتكەن بولسا, باسقا قۇجاتتار جارامسىز بولىپ تابىلادى. قازاقستان رەسپۋبليكاسىنىڭ 2003 جىلعى 4 شىلدەدەگى N 476 «اۆتوموبيل كولiگi تۋرالى» زاڭىنا سايكەس جولاۋشى ەلەكتروندىق نىساندا رەسىمدەلگەن جول ءجۇرۋ قۇجاتىن (بيلەتىن) قوسپاعاندا, جولاۋشىلار مەن باگاجدى اۆتوموبيلمەن تۇراقتى تاسىمالداۋ مارشرۋتتارىندا جول ءجۇرۋ كەزىندە اقى تولەۋدى جانە (نەمەسە) جول ءجۇرۋ قۇجاتى (بيلەتى) بولۋعا جانە ونى ساپار اياقتالعانعا دەيىن ساقتاۋعا مىندەتتى.
بۇل جاعدايدا جول ءجۇرۋ اقىسى قولما-قول اقشامەن 15 جاسقا دەيىن - 90 تەڭگە, 15 جاستان كەيىن - 180 تەڭگە تولەنەدى.
