اتالمىش سايىس اريزون شتاتىنداعى «حۋاچۋك» اسكەري بازاسىندا ۇيىمداستىرىلدى. وعان 50-گە جۋىق اسكەري قىزمەتشى قاتىستى. ايتا كەتۋ كەرەك, قازاقستاندىق تاراپ بۇل سايىسقا العاش رەت شاقىرىلدى.
اتالمىش كونكۋرسقا قاتىسۋ قر قك سەرجانتتار قۇرامىنىڭ كاسىبيلىگىن ارتتىرۋعا سونىمەن قاتار سەرپىن بەرۋگە مۇمكىندىك بەرەدى, جارىستىڭ اۋقىمدىلىعىن كوتەرەدى, قر جانە اقش ۆەدومستۆولارى اراسىنداعى حالىقارالىق اسكەري ىنتىماقتاستىقتى نىعايتۋعا, سونداي-اق اسكەري جارىس تۇرلەرىن ۇيىمداستىرۋ جانە وتكىزۋ ماسەلەلەرىندە شەت ەلدىك ارميالاردىڭ تاجىريبەسىن الۋعا ىقپال ەتەدى. سونىمەن قاتار, الەم ەلدەرى بويىنشا قر قك سەرجانتتىق قۇرامىنىڭ دايىندىق دەڭگەيىن باعالاۋعا مۇمكىندىك بەرەدى ", – دەپ اتاپ ءوتتى قر قارۋلى كۇشتەرىنىڭ باس سەرجانتى شەبەر-سەرجانت تەمىربەك حالىقوۆ.
كۇش, شىدامدىلىق, قارۋ-جاراقپەن جۇمىس ىستەۋدىڭ تاجىريبەلىك داعدىلارى, ۇرىس الاڭىندا باعدارلاي ءبىلۋ, جاۋىنگەرلىك جاعدايدا جەكە قۇرامدى باسقارۋ, بيىكتىكتەگى قورقىنىشتى جەڭۋ, تىعىز قارىم-قاتىناس ورناتۋ سىندى تالاپتارعا سايكەس كەلۋ سايىسقا قاتىسۋشى ءاربىر ۇمىتكەرگە قويىلدى.
قازاقستاندىق كوماندا قۇرامىندا «ۇزدىك سەرجانت» اتاعىن الۋعا بۇكىلارميالىق سايىستىڭ سونداي-اق اسكەري حالىقارالىق ويىندار اياسىندا وتكىزىلەتىن «الەم جاۋىنگەرى» حالىقارالىق كونكۋرسىىنىڭ جۇلدەگەلەرى قاتىستى. ولاردىڭ قاتارىندا بۇكىلارميالىق سايىستىڭ بىرنەشە دۇركىن جەڭىمپازى, كوپسايىستان 1-رازريادتى يەمدەنگەن روتا سەرجانتى اعا سەرجانت نۇربول داۋلەتوۆ پەن «الەم جاۋىنگەرى» حالىقارالىق سايىسىنىڭ بىرنەشە دۇركىن جەڭىمپازى سەرجانت ەرتىلەك بەكبولاتوۆ بار. (2018 جىلى 1 ورىن, 2019 جىلى 3-ورىن).
بارلىق سايىس 8 كەزەڭنەن تۇردى, وندا اسكەري قىزمەتشىلەر جاۋىنگەرلىك اتىسپەن, دەنە جانە اتىس دايىندىعى بويىنشا تەستىلەۋدەن جانە كەدەرگىلەر جولاعىنان ءوتتى, جەرگىلىكتى جەردى تۇنگى باعدارلاۋ جانە توپوگرافيا داعدىلارىن كورسەتتى. بايقاۋعا قاتىسۋشىلاردىڭ توزىمدىلىگى مەن كۇشىن 22 كم جانە 7 مەترلىك عيماراتتا (مۇنارا) جۇگىرۋ سىنادى. سايىستا جەڭىسكە جەتۋ ءۇشىن اسكەري قىزمەتشىلەرگە كوشباسشىلىق قاسيەتتەرى بويىنشا ءوز بىلىمدەرىن كورسەتۋ ماڭىزدى بولدى. اسا ايتۋلى كەزەڭدەردڭع ءبىرى مەكەندە وپەراتسيا جۇرگىزۋ جانە عيماراتتى تازالاۋ كەزەڭى بولدى.
قازاقستاندىق سەرجانتتار اتالمىش سايىستا جوعارى دەنە دايارلىقتارىن كورسەتتى. سەرجانت ەرتىلەك بەكبولاتوۆ, كەدەرگى جولاعىن 2 مينۋت 15 سەكۋندتا ءوتىپ اريزون شتاتىندا رەكورد ورناتتى, بۇل الدىڭعى رەكوردتاردان ەكى ەسە جىلدامىراق. سونىمەن قاتار, قر قك اسكەري قىزمەتشىلەرى تاكتيكالىق دايىندىق (عيماراتتى تازالاۋ), جەرگىلىكتى جەرگە باعدارلاۋ, جاقىن قاشىقتىقتاعى اتىس بويىنشا جارىس بارىسىندا جاقسى تاجىريبە الدى.
سونداي-اق قاتىسۋشىلار اراسىندا دەنە شىنىقتىرۋ دايىندىعى بويىنشا تەستىلەۋ ەرەكشە قىزىعۋشىلىق تۋدىردى. اقش قارۋلى كۇشتەرىندە سەرجانتتىق قۇرامعا جانە جالپى اسكەري قىزمەتشىلەرگە دەنە شىنىقتىرۋ دايىندىعى بويىنشا تالاپتار جاۋىنگەرلىك ءىس- قيمىلداردى جۇرگىزۋدىڭ قازىرگى زاماناۋي ءىس-قيمىلدارعا سۇيەنە وتىرىپ ۇسىنىلادى.
