اتقارىلىپ جاتقان جۇمىستار تۋرالى پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ, ۇلتتىق ەكونوميكا ءمينيسترى ر. دالەنوۆ, ەنەرگەتيكا ءمينيسترى ن. نوعاەۆ, سىرتقى ىستەر ءمينيسترى م. تىلەۋبەردى, ساۋدا جانە ينتەگراتسيا ءمينيسترى ب. سۇلتانوۆ, اۋىل شارۋاشىلىعى ءمينيسترى س. وماروۆ, ءبىلىم جانە عىلىم ءمينيسترى ا. ايماعامبەتوۆ, مادەنيەت جانە سپورت ءمينيسترى ا. رايىمقۇلوۆا باياندادى.
پايدالانىلمايتىن اۋىل شارۋاشىلىعى جەرلەرىن ولاردى الۋ تەتىكتەرىن كۇشەيتە وتىرىپ, وندىرىستىك قىزمەتكە تارتۋ جۇمىستارىن جانداندىرۋ, اۋىلدىق جەرلەردە تۇراتىن, سونداي-اق از قامتىلعان جانە كوپ بالالى وتباسىلاردان شىققان دارىندى بالالاردى انىقتاۋ جۇيەسىن ەنگىزۋ, دەنە شىنىقتىرۋ مەن بۇقارالىق سپورتتى دامىتۋ, بالالار ءۇشىن سپورت ينفراقۇرىلىمىن قولجەتىمدى ەتۋ جونىندەگى شارالار, سونداي-اق دەنە شىنىقتىرۋ جانە بۇقارالىق سپورتتى دامىتۋ جونىندەگى 2020-2025 جىلدارعا ارنالعان كەشەندى جوسپاردىڭ جوباسى قارالدى.
ۇكىمەت باسشىسى ۇلت جوسپارى مەن پرەزيدەنتتىڭ 2019 جىلعى 2 قىركۇيەكتەگى جولداۋىن تولىق جانە ساپالى ىسكە اسىرۋ بويىنشا بەلسەندى جۇمىستاردى جالعاستىرۋدى تاپسىردى.
ءبىرىنشى كەزەكتە ەكونوميكانىڭ باسىمدىقتى سەكتورلارىنداعى جاڭا ءىرى جوبالارعا ينۆەستيتسيا تارتۋ كولەمىن ارتتىرۋ, ينۆەستيتسيالىق احۋالدى جەتىلدىرۋ, مەملەكەتتىك باسقارۋ رەفورماسىن جۇرگىزۋ, سالىق جۇيەسىن جاڭعىرتۋ جانە ت. ب. بويىنشا تارماقتارعا ەرەكشە نازار اۋدارىلدى.
«جالپى, باسىمدىقتى سالالاردا جاڭا جوبالاردى قۇرۋ ءۇشىن زاكىرلى ينۆەستورلاردى تارتۋ بويىنشا جۇمىستى جانداندىرۋ قاجەت», دەدى ا. مامين.
